Eru Suðurnesjamenn að æfa sig fyrir áramótin?

Það virðist hafa gengið á ýmsu í nótt, bæði í Grindavík og Reykjanesbæ, unglingarnir virðast vera að taka létta æfingu fyrir áramótin, utan sá sem var að dunda sér í kirkjugarðinum, spurning hvað honum hefur gengið til, finnst of ódýrt að afgreiða það með því að  "hann var fullur greyið".

Svona mál á að taka föstum tökum og senda skýr skilaboð út í þjóðfélagið um að framkoma sem þessi verði ekki liðin, það er ekki nóg með að fólk sé ekki lengur óhult utandyra þegar kvöldar, það getur ekki heldur treyst því að grafir ástvina þeirra fái að vera í friði.

Heimur versnandi fer var einhverntíma sagt, og hafi það átt við þá, passar það ekki síður nú. Það er eins og fólki sé ekkert heilagt lengur, hvorki eigur manna, né líf og limir.

Fólskulegar og  tilefnislausar árásir á fólk bæði heima og heiman, skemmdir á eigum manna svo sem bílum og öðru slíku, þetta er það sem dynur á manni dags daglega bæði í ljósvakamiðlum og dagblöðum.

Getum við átt von á því að eitthvað lagist í þessum efnum á nýju ári, eða heldur þetta áfram að versna ?

Þegar stórt er spurt verður fátt um svör. En það má lifa í voninni.

Sló dyravörð í höfuðið með flösku

Muna svo að versla bara við Björgunar og Hjálparsveitir!!!

SNIÐGANGA  SPORGÖNGUAFÆTURNAR.

Bretar öfundsjúkir eins og við.

   Framkvæmdastjóri bresku launþegasamtakanna, Brendan Barber, varar við samfélagslegum afleiðingum sem ofur-auðsöfnun á fárra hendur geti haft, segir "gremju krauma" meðal miljóna opinberra starfsmanna vegna launamála. 

  Þetta virðist vera hliðstæða við það sem er að gerast hér á landi, og hefur verið afgreitt þannig að þeim sem blöskri  þetta, gangi ekkert annað til en öfund, það er ódýr lausn fyrir rökþrota menn, að afgreiða þetta á þann hátt.

Nú hefur okkur borist  liðsauki, nokkrar miljónir Breta sem eru lika að drepast úr öfund. Þá fer nú að verða spurning með meiri hluta, og minni hluta, á ekki meiri hlutinn yfirleitt síðasta orðið ?

Það virðist vera það mikið af hátekjumönnum á Íslandi að þeir séu tilbúnir að verja þessa ofurlaunuðu, og á meðan stór hópur peningamanna og viðhlægjenda þeirra hefur tögl og halgdir í þjóðfélaginu, er lítil von breytinga.

„Kraumandi gremja“ vegna ofur-ríkidæmis

Þetta er greinilega hægt. Guð láti gott á vita.

Og nú eiga bara aðrir dómarar að taka sér þetta til fyrirmyndar, og láta hendur standa fram úr ermum, en ekki að velta sér upp úr einhverjum ímynduðum tímaskorti, og hvað það er nú sem notað er sem afsökun fyrir seinaganginum.

Sló á laugardag - dæmdur í dag

Afætur.

Það er merkilegur hugsanagangur hjá sumu fólki, það hefur verið að færast í vöxt að einkaaðilar sem ekki eru í neinum svona bissnes, geta ekki látið þessa fjáröflunarleið Björgunar og Hjálparsveita í friði.

Það er eins og sumu fólki sé ekkert heilagt, ætli þeir sem eru að keppa við sveitirnar, til að fjármagna einkaneyslu sína, geri sér grein fyrir því fórnfúsa og óeigingjarna starfi sem þær leggja af mörkum til samfélagsins.

Eða er gróðavonin svo yfirgnæfandi að það skipti þá engu máli, það er harkalegt að svona fólk skuli yfirleitt fá leyfi til að selja þessa vöru,og ekki nóg með það, heldur reyna þeir að planta sér niður einhversstaðar í nánd við sölustövar sveitanna, og hika ekki við að líkja eftir þeim í klæðaburði

þeir vita vita sem er,  að asinn og stressið er í fullum gangi hjá fólki, það sér fugeldasölu og spáir ekki í,  hverjum hún er að þjóna.Skreppur inn og verslar,hugsar svo kannski á eftir, ég hefði auðvitað átt að kaupa þetta af einhverri björgunarsveitinni,en þá er það orðið of seint.

Bkörgunarsveitafólk þarf að vinna fyrir sér eins og aðrir þegnar þessa lands, með þátttöku sinni í hjálpar eða björgunarsveit,  er það að leggja sjálfviljugt á sig þá kvöð að vera á bakvakt árið um kring, mikið af frítíma þessa fólks fer í æfingar, viðhald á búnaði, auk leitar og björgunarstarfa, oft við skilyrði sem eru næsta ómannúðleg, og oftar en ekki stórhættuleg.

Ég skora á fólk að athuga hver söluaðilinn er áður en inn er gengið til að versla.

GANGIÐ ÚR SKUGGA UM AÐ ÞAÐ SÉU BJÖRGUNAR OG HJÁLPARSVEITIR, MEÐ ÞVÍ AÐ VERSLA VIÐ ÞÆR RENNIR ÞÚ STYRKARI STOÐUM UNDIR STARFSEMI ÞEIRRA

Þeir líkja eftir okkar útliti