Sólskinið mælt í dropatali í Reykjavík???

Hún ríður ekki við einteyming amböguvitleysan sem frétta og blaðamenn láta grá sér fara, í Kastljósinu núna áðan var sýnt frá sundlaugunum og þulan sagði að fólkið væri að nýta síðustu dropana af sólskininu. Hef aldrei heyrt þetta áður en kannast mætavel við síðustu sólargeisla kvöldsins.

Hvað meinar maðurinn?

 „Við borgum gjald þar sem veitt er þjónusta. En við borgum ekki gjald sem arðgreiðslu af landi, enda er ólöglegt að taka slíkt gjald"...

Hvaða þjónustu veita þeir aðra en aka mönnum á fyrirfram ákveðin svæði sem aðrir eiga eða hafa umráð yfir?

Of og mikið hefur verið skrifað og skrafað um hugsanlega gjaldtöku af hinum ýmsu náttúruperlum, sem margar eru á löndum í einkaeign,og ferðaþjónustufyrirtæki gera út á. Af hverju á bara að borga flutningsaðilunum, og veitinga og gistihúsaeigendum?. Ef þeir sem eiga náttúruperlur eins og Kerið í Grímsnesi ætla að selja aðgang að því,sé ég enga annmarka á því, að því gefnu að eigendur setji upp hreinlætisaðstöðu og veiti þá þjónustu sem þörf er fyrir á svona stað.

Það er lítill vandi að græða á túristum ef menn gera ekkert annað en taka gjald fyrir að aka þeim vítt og breitt um landið og sýna þeim markverða staði sem flutningsaðilinn eð túristarnir borga svo ekkert fyrir að skoða.

Það hafa verið uppi háværar raddir í sumar um vöntun á hreinlætisaðstöðu og varúðarmerkingum á hinum ýmsu ferðamannastöðum landins.. Ef ekki má taka gjald á slíkum stöðum hver á þá að standa straum af þeim kostnaði sem óhjákvæmilega hlýtur að verða. Það dylst engum sem vill sjá og hefur ferðast eitthvað um landið að margar þessar margrómuðu perlur og næsta nágrenni þeirra hefur látið verulega á sjá á síðustu árum.  Og er það ekki okkar sem komum til að skoða, að leggja eitthvað af mörkum til að hægt sé að sporna eitthvað við þeirri þróun. Það er jafn sjálfsagt að borga fyrir svona, eins og veitingar, tjaldsvæði og hvað annað, að því tilskyldu að eðlileg þjónusta sé á viðkomandi svæði

 

 

 

Greiða eftir á fyrir komur að Kerinu