Hvað er Sjóvár,og hvenær er "maður" stýra eða stjóri

Sá í Fréttablaðinu í gær viðtal við forstjóra Sjóvá,að vísu skrifað þar sjóvár,ef ég man rétt hét eða heitir þetta félag Sjóvátryggingafélag Íslands,nafnið þótti frekar óþjált í munni og var stytt í Sjóvá þannig hefur það verið óáreitt í langan tíma þar til nú fyrir ekki alllöngu að einhver snillingur bætti erri aftan við og talar nú við forstjóra Sjóvár en ekki Sjává.

Eins finnst mér afskaplega hvimleitt ef kvenmaður fer í stjórnunarstöðu sem karlmaður hefur áður gengt og verið titlaður stjóri,þá skuli hún aftur á móti vera kölluð stýra hvað breytist í stöðunni?Nýlegt dæmi með Guðfríði Lilju............

Nýútskrifaður "Óbyggðaökumaður"

Líst ekki sérstaklega vel á þessa hugmynd,hef sjálfur nokkra reynslu af hálendisferðum og átt jeppa um nokkura áratuga skeið og veit af eigin reynslu að það þarf meira en breyttan jeppa til að fara á fjöll,hvernig eiga  menn sem aldrei hafa ekið jeppa nema kannski á malbiki og aldrei yfir vatnsfall nema á brú að meta aðstæður rétt? Margir þaulvanir óbyggðaökumenn hafa komist í" hann krappann" í akstri á jöklum og yfir vatnsföll.Tíu mínútna fyrirlestur getur aldrei komið að neinum hagnýtum notum fyrir óvanan ökumann.Verður þetta ekki bara til að auka Björgunarsveitum erfiði umfram það sem nú er, að ekki sé minnst á slyshættuna.?

Brátt hægt að fá leigða breytta jeppa í fjallaferðir

Það ættu allir að geta forðað sér.......

Fellibylurinn Felix genginn á land í Níkaragva .

Það getur varla stafað mikil hætta af gangandi Fellibyl??????????????

Gissur frestar.....

Hver fjandinn er að þessum forstjóra Vinnumálastofnunar hann er með allt niður um sig með að fylgja eftir þeim lögum og reglum sem stofnunin á að sinna,loksins þegar hann tekur á sig rögg og þykist ætla að fara að vinna vinnuna sína,heykist hann á síðasta augnabliki og gefur fyrirtækinu frest,ég get engan vegin séð að þessir menn eigi neinar málsbætur,þeir hljóta sem atvinnurekendur að fylgjast með því sem er að gerast í þjóðfélaginu,ég hugsa að flestir Íslendingar sem komnir eru til vits og ára viti að það þarf tilskilin leyfi til að ráða útlendinga til starfa,enga fresti á þessa þrælasala láta þá standa fyrir máli sínu strax.

Hætt við að biðja um stöðvun fyrirtækis

Til hvers að bjarga bílnum.????

Fór upp að Kárahnúkum í dag,ekki í fyrsta skifti og örugglega ekki í það síðasta,ókum við inn með lóninu um 15- 20 km vegalengd,að vísu er hægt að fara lengra en við hefðum þá þurft að fara yfir Á á vaði sem ekki er mikið fyrirtæki í sjálfu sér en þar sem við vorum einbíla og lítil sem engin umferð þarna innfrá var þetta látið duga að sinni.Þarna innfrá var jeppinn sem Ómar Ragnarsson fiskaði upp úr lóninu með dyggri aðstoð Árna Kópssonar,okkur fannst að þeim sem hraus hugur við því að vita bílinn á kafi í lóninu ætti að líða betur núna þar sem hann er kominn á þurrt og búið að ger eyðileggja hann brjóta úr honum allar rúður og berja að utan auk þess sem hann stendur bara á bremsuskálunum en það eru öll dekk farin undan honum.Yfirleitt þegar yfirgefnir bílar verða fyrir skemmdum er unglingum kennt um,ég held að þeir unglingar sem þarna hafa verið að verki hljóti að vera komnir til vits og ára samvæmt fæðingarvottorði, þótt þessar framkvæmdir sýni annað,hef litla trú á því að unglingar séu að á reginfjöllum.Það er annars merkilegt hvað við Íslendingar erum lítið fyrir að virða eigna og umráðarétt meðborgara okkar sama hvort er í löndum eða lausum aurum,tilgangslaus skemmdarfíkn á hlutum og búnaði er ótrúleg,og á það ekkert síður við um dýra hluti en ódýra,tökum sem dæmi, almenningssíma, strætisvagnaskýli,yfirgefna bíla vegna bilunar og fmargt fleira mætti tína til. Hvað þarf að gera til þess að breyta þessari áráttu?Er þetta uppeldinu að kenna?Ekki veit ég neitt um það og er ekki með neina patentlausn á þessu.Mér datt þetta svona í hug þegar ég sá bílinn hans Ómars,kannski bara nöldur í mér,þá það..........