Hvernig er þetta hægt ?

Iðnaðarráðherra gæddi sér á lambakjöti sem alið er á hvönn

Ég hef alltaf haldið að lömbin ætu grasið,en nú virðist sem kjötið geri það

Iðnaðarráðherra gæddi sér á lambakjöti sem alið er á hvönn

Hvað meinar maðurinn?

Eyþór Páll Hauksson, markaðsstjóri hjá Odda, segir samkeppnina síharðnandi. „Það er ekki víst að menn endist til að halda þessari starfsemi úti þar til hagurinn fer að vænkast."

Hvað meinar maðurinn,er eitthvað sem bendir til þess að íslenskar prentsmiðjur verði samkeppnisfærar við þær erlendu?

En Oddi er sjálfsagt á beinu brautinni þar sem hann ætlar að fara að skarta því virðulega nafni N4 það er með ólíkindum hvað það er að verða brýnt hjá gömlum og grónum fyrirtækjum að skifta um nafn,ekki veit ég hvað liggur til grundvallar þessari auknu þörf á nafnskiftum,en ég er alveg gríðarlega hrifinn af því hvað þeir sem þetta stunda sýna ótrúlega hugkvæmni og frumleg heit í nafnavali

Miðað við fréttina er fátt sem bendir til annars en þetta verði ennþá óhagstæðara þetta  ár,og þá sýnist nú fokið í flest skjól fyrir prentiðn á Landinu Bláa, (þettar mikið fallegra nafn en Skerið)

Prentun bóka flyst úr landi

Trúir einhver svona kjaftæði???? Hvaða allir???

Stefán Thordersen, yfirmaður öryggissviðs hjá Flugmálastjórn, segir málið mjög erfitt í framkvæmd, því það sé enginn hægðarleikur að koma tæki sem er á annað hundrað kíló í og úr flugvélarlest. „En það eru allir að reyna að gera betur..

Ætlast maðurinn virkilega til að einhver  gleypi svona fullyrðingu hráa?

Þetta er aumlegt yfirklór til að réttlæta slæma þjónustu,eru eintómar smástelpur í vinnu við að losa og lesta,eru ekki notuð færibönd??

Rúm hundrað kíló eru ekki nothæf til að réttlæta slóðaskap,ég hefði verið til viðtals ef stóllin væri 3-4 kíló,þá hefði mátt úminda sér eitthvert smábras en ekki 100 kíló,maðurinn verður að finna betri afsökun,annars er þetta ekkert nema verulegur skortur á þjónustu við viðskiptavin sem er mun háðari henni en við sem fullfrisk erum

„Fótunum" kippt undan fötluðum

Ránshendin komin á loft

Unnið að endurskoðun á skattlagningu á ökutæki og eldsneyti.

Það hlaut að koma að því,hvað er eiginlega orðið langt síðan að bifreiðaeigendur fengu að leggja eitthvað smáræði til samfélagsþjónustunnar,ég var farin að hafa áhyggjur yfir því hvað þeir væru eitthvað andlausir og værukærir í Fjármálaráðuneytinu með að finna eitthvað handa okkur að borga.

Sé ekki alveg hvernig það virkar að skattleggja eldsneytið, til að minnka losun á gróðurhúsalofttegundum,þeir vita auðvitað allt um svoleiðis hjá ráðuneytinu,það er alt að því dónaskapur í mér að efast um slík,sé ekki heldur hvernig það eykur hlut vistvænna ökutækja,en þeir eru örugglega líka með það á hreinu.

Ég hélt nú að það væri búið að skattleggja bíla og það sem þeim viðkemur í botn og rúmlega það,ég veit ekki betur en það sé tekin góður skattur af okkur þegar við kaupum nýjan bíl,stutt síðan einhverju endurskilagjaldi var bætt þar við,sem ég er ekki farin að sjá að skili sér aftur til bíleigenda,það er borgaður dágóður skattur af eldsneyti, skattur af öllum varahlutum og þjónustu og svona mætti lengi telja.

Unnið að endurskoðun á skattlagningu á ökutæki og eldsneyti

Mikið eru Austfirðingar heppnir

Öllu starfsfólki í frystihúsi Eskju sagt upp.

Útlit er fyrir að öll vinnsla leggist af í frystihúsi Eskju á Eskifirði um áramót.

Nú hefði litið illa út fyrir Eskfirðingum ef ekki hefði verið "blessaða álverið",mikið er nú notalegt til þess að hugsa að jafnvel þótt fiskvinnsla leggist af á Austfjörðum eru allir ( á grænni grein )eða er ekki réttara að segja á álgrein,og geta haft það svo makalaust gott,lausir við slorið.

Það er sorglegt til þess að hugsa að fyrirtæki eins og Eskja sem hefur verið meðal stærri útgerða á landinu skuli vera svona komin.

Öllu starfsfólki í frystihúsi Eskju sagt upp