Sankti Sturla

Alveg hafa þeir farið á kostum í dag sálufélagarnir og flokksbræðurnir Sturla og Árni,Sturla í því að reyna að koma fólki til að trúa því að hann sem fyrrverandi samgöngumálaráðherra geti á engan hátt borið ábyrgð á Grímseyjarferjuklúðrinu,það sé vandamál núverandi samgöngumálaráðherra .Hvernig sem það má nú vera þar sem hann er ný tekin við embætti.Það er frekar ódýrt að skýla sér á bakvið það að ráðherra verði að treysta  undirmönnum sínum og geti ekki fylgst með öllu sem er að gerast.

Svo kemur Dýralæknirinn og segir að engin skaði sé skeður það séu til nógir peningar,ef tiltekin upphæð nægi ekki í eitthvert verkefni megi taka það sem á vantar úr einhverju öðru verkefni.Hann hélt fram í fréttum í kvöld að það væri engin skaði skeður, og það fé sem búið væri að leggja í ferjuna væri innan ásættanlegra marka og allt benti til að þetta yrði ódýrari kostur en nýsmíði. Ekki veit ég hvar þeir félagar ala manninn dags daglega eða á hvað þeir hlusta,en þeir eru greinilega ekki að hlusta eftir því sem atkvæðunum þeirra finnst um framgang þeirra í þessu máli.En það er greinilegt á orðum Árna að hann stendur dyggilega við bakið á flokksbróðir sínum og reynir að berja í brestina fyrir hann.