Sumarfríið búið,styttist í jólafríið

Þá mæta nú fulltrúar okkar til vinnu eftir langt og gott sumarfrí,og geta huggað sig við að þurfa ekki að mæta lengi til vinnu þar sem styttist óðfluga í jólafríð þeirra.Þetta er án efa einhver furðulegasti vinnustaður á landinu þarna horfir maður á hálftóman og tóman salin dag eftir dag og það virðist ekkert vera  að gerast.

Ef fundið er að þessu í ræðu eða riti eru andmælin þau að þá séu þingmenn að nefndarstörfum og eða  sinna ýmsum öðrum störfum.Þegar maður sér myndir frá öðrum þjóðþingum virðist yfirleitt bekkurinn vera setin.

Þrátt fyrir þessar "annir" þingmanna okkar,eða kannski einmitt vegna þeirra eru þeir með allt á hælunum þegar nálgast þinglok þá er malað fram á nætur og hvert málið á fætur öðru keyrt í gegn til að geta farið í frí á tilsettum tíma.

Gæti ekki verið ef þingstörfin væru unnin skipulega að þá væri hægt að skoða málin frá A-Ö og ganga þannig frá þeim, að ekki þyrfti að koma til allskonar eftirmála vegna flausturslega unnina frumvarpa ,sem lögð eru fyrir þingheim sem hefur engan tíma til að kynna sér þau að gagni.

Það er að verða oftar en ekki að allskonar reglur og lög sem samþykkt eru á síðustu metrunum í tímakapphlaupinu standast ekki á nokkurn hátt.

Alþingi verður sett í dag