Er þetta nýtt afbrigði eikavæðingar

NL annist ein akstur gesta Kringlunnar

Væri ekki nær að fara að huga að því hætta þessu sérleyfiskjaftæði í þessari atvinnugrein sem gerir það eitt að það er engin samkeppni.

Gæti ekki skeð að leigubílar yrðu bara ódýrari ef þetta yrði gefið frjálst.

þarna er verkefni fyrir þá Vínfrumvarpsmenn.

NL annist ein akstur gesta Kringlunnar

Athugasemdir

[Taxi Driver, 29.10.2007 kl. 20:00]

Greinilegt að þú veist ósköp lítið um hvað þú ert að tala og að verðið er það eina sem þú hefur áhyggjur af. Ég byrja á að endurtaka  aðra athugasemd sem ég hef gert annars staðar í dag. Staðreyndin er nefninlega sú að rekstur leigubíls er ekkert alltof spennandi, vinnutíminn langur og erfiður. Mér reiknast til að fyrstu 300-350 þúsundin sem ég vinn inn á hverjum mánuði fari beint í kostnað. Við borgum stöðvargjöld, um 65000 pr mánuð á flestum stöðvum, tryggingar um 250 þús á ári, afborganir af bíl, dekk (2 til 3 gangar á ári), eldsneytisnotkun er amk 100 þús á mánuði, smurning (amk einu sinni í mánuði), leyfisgjöld til Vegagerðar, afföllin af bílunum eru hrikaleg (meðal leigubíll er keyrður 110-120.000 km á ári, þarf ekki miklar gáfur til að sjá að bíllinn er uþb 2 ár að verða verðlaus), við borgum eins og aðrir sjálfstæðir atvinnurekendur tryggingargjald, full 10% í lífeyrisjóð, að auki er tilfallandi viðhald, t.d. bremsuklossaskipti 6-7 sinnum á ári, þrif (ég fer með ein 50 þús á ári í þrifvörur einar saman) og svona má endalaust telja. Ég tel mig góðan ef ég á 300 þús eftir á mánuði eftir skatta. Og til að ná því erum við að tala um 70 tíma vinnuviku hið minnsta. Vinnuviku sem byggir ma á að keyra um helgarnætur með dauðadrukkna, útúrdópaða þegna þessarar borgar sem telja sig geta komið fram við okkur eins og þeim sýnist hverju sinni. Hnífar, hótanir, ofbeldi, dónaskapur, frekja og yfirgangur er það sem við búum við og reiknum með. Og allt þetta til að þið gott fólk getið farið út að borða, skemmta ykkur, sent barnapíurnar ykkar heim, skotist á pöbbann og horft á leikinn og allt hitt.

 Getur verið að það sem þú kallar "sérleyfiskjaftæði" sé samt sem áður það sem tryggi fagmennsku og fyrsta flokks þjónustu þegar þú þarft hana? Getur verið að sama "sérleyfiskjaftæði" tryggi þér góða, örugga bíla, örugga þjónustu undir eftirliti símaafgreiðslu viðkomandi leigubílastöðvar, leigubílastöðvar sem þú getur og átt að kvarta til sérstu ekki ánægður með þjónustuna? Getur verið að "sérleyfiskjaftæðið" tryggi þér íslenskumælandi bílstjóra sem ómakar sig útúr bílnum til að aðstoða gamla konu eða blindan farþegar? Getur verið að "sérleyfiskjaftæðið" veiti þér öryggi til að senda barnapíuna milli borgarhluta um hánótt? Getur verið að "sérleyfiskjaftæðið" tryggi að síaðir séu út þeir aðilar sem eiga ekkert erindi í þetta fag??

Gjörið svo vel, gefið draslið frjálst. Látið pólverjana, lettana og tælendingana skutla ykkur um bæinn á 93 árgerð af volvo eða lancer.  En þið skuluð þá byrja að kaupa orðabækurnar strax því það eina sem þið fáið útur þeim verður "mig ekki skilja" þegar þið viljið láta skutla ykkur á Grenimelinn eða Miðvanginn. Og ætli verði ekki annað hljóð í strokknum þegar dóttur ykkar, systur eða frænku verður nauðgað í aftursætinu hjá einhverjum af þessum ódýru bílstjórum, eða litli bróðir rændur á leið heim úr miðbænum.

 Verið viss, íslenskir leigubílstjórar eru fagmenn í fremstu röð. Það sjá og vita allir sem vilja og hafa tekið leigubíl erlendis hvort sem er í Köben eða Barcelona. En ef við leyfum mönnum eins og þeim sem standa á bak við NL að komast inná markaðinn verður fagmennskan einmitt það fyrsta sem fer. Og þá flyt ég til Svíþjóðar og keyri taxa þar....

[Ari Guðmar Hallgrímsson, 30.10.2007 kl. 00:48]

Þakka þér Db fyrir þessa ábendingu,ég get vel viðurkennt að vita lítið um þessa atvinnugrein,það sem ég átti við með sérleyfi var það að vegagerðin væri að stýra þessu eitthvað sem þið hefðuð ekkert um að segja,þess vegna kom það að sjálfu sér ef svo væri, að ef vegagerðin væri ekki í myndinni hefuð þið frjálsari hendur,ég sé aldrei neitt fyrir mér annað enn skattheimtu. þegar ríkisfyrirtæki eiga í hlut.

Eins og ég tók fram í upphafi þá er þetta minn rangskilningur,en ég tel mig alveg geta viðurkennt það og beðið leigubílstjóra þessa lands afsökunar á þessum ummælum sem eru vegna vanþekkingar og fljótræðis.Ég nota leigubíla ekki mikið og ég get ekki sagt annað að ég hafi fengið ágætis þjónustu,vonandi dugar þessi afsökunarbeiðni.Gangi þér svo allt í haginn í nútíð og framtíð.