Jólalög ! Hvað er það ?

Aðfangadagsmorgun,hef verið að velta fyrir mér í morgun spurningu sem oft hefur  leitað á þegar jólin nálgast.Og hún er ,hvað ræður spilun jólalaga í útvarpi allra landsmanna?,þáttastjórnendur þrástagast á því að ekki MEGI spila jólalög fyrr en í fyrsta lagi eftir 1 des.

Hver bannar það,af hverju má ég ekki panta mér jólalag í þáttum sem bjóða upp á slíkt,þó á miðju sumri sé?Og af hverju fæ ég það ekki spilað?Af hveju eru þá sumar og vorlög ekki bönnuð eftir fyrsta vetrardag?Af hverju eru þá  trúarlegir  söngvar ekki bannaðir, nema á sunnudögum?

Svona mætti endalaust spyrja, ef á að fara að flokka tónlist eftri árstíðum og tilefnum,oft hefur RÚVINU tekist vel upp í þessum efnum en aldrei held ég, samt sem nú,,ég hef að vísu ekki neinar tölur um spilun jólalaga á RÚV,en í klukkutímum talið, það sem af er þessum mánuði eru þeir ekki margir,þeir eru mjög fáir,og miðað við aldur og fyrri störf eru líkur á að þau heyrist enn þá minna eftir daginn í dag.

Eru þessar "jólalagareglur" settar af stjórnendum hinna ýmissu þátta, eða er þetta ákvörðun dagsskrárstjóra,rekur hann þá sem spila mikið af jólalögum?

Það er tönglast á því að það verði að spila svona lög í hófi svo menn verði ekki leiðir á þeim,er meiri hætta á að verða leiður á þeim en síbyljunni sem dynur í eyrum manna allan ársins hring?

Ég opnaði fyrir "útvarp allra landsmanna" kl að ganga sex í morgun, kl 7 held ég að búið hafi verið að spila 3-4  jólalög,hitt var þessi sama graðhestamúsík sem spiluð er allan ársins hring.

Mér finnst tónlistarspilun rásar 2 einkennast að miklu leyti af því sem viðkomandi þáttastjórnendur hafa gaman af sjálfir,af hverju mátti Gestur Einar ekki  halda áfram með þáttinn Grátt í vöngum,var það vegna óánægju hlustenda eða var það vegna þrýstings frá Graðhestamúsíkmönnunum,fengu þeir minni tíma fyrir vikið?

Þykist þetta unga fólk sem ræðst í þessar stöður, þess umkomið að hafa tónlistarsmekk fyrir hlustendur vegna þess að þeir viti  ekki, á hvað þeir vilja hlustaÞa.

Það eru ekki allir landsmenn milli fermingar og þrítugs,smekkur manna fyrir tónlist breytist með aldrinum,og menn fara þá gjarnan að hlusta á öðruvísi músík,ætli að meirihluti þeirra sem hlusta á útvarp sé ekki komin yfir fertugt,og fyrir hverja er þá verið að spila rafmangsmúsík,og ýmislegt sem ég kann ekki að nefna,en finnst ekki minna mig neitt á tónlist,eins og þáttur sem ég heyrði ávæning af fyrir nokkrum kvöldum sem saman stóð af einhverjum rymjandi og stynjandi,sennilega mönnum,er þó ekki viss,og mismunandi barningi á trommur auk þess sem annað slagið rauk upp eitthvert geðveikslegt píp,þetta varði í klukkutíma eða meira,og þáttastórnandinn  hélt vart vatni af hrifningu yfir þessari frábæru músík,mér fannst lítið til koma, þetta virkaði á mig eins og útvarpið væri bilað.

En ég vil fá að heyra jólalög í útvarpinu,minnsta kosti á jólunum og helst bara þegar mig langar til.

 Þeim sem hafa nennt að lesa þetta óska ég árs og friðar.Kveðja  Ari