Veldur hver á heldur... Húsafriðunarnefnd fari að sinna sínu verki...

Mér finnst kannski vanta aðeins inn í þessa húsafriðunarumræðu, hlutverk húsfriðunarnefndar. það sem ég hef fylgst með þessum málum, virðist mér hún vera með allt á hælunum.

Ég hefði  haldið, að hlutverk þessarar nefndar væri að minnsta kosti að hluta til,að gera skrá yfir gömul hús,þar sem saga þeirra og hlutverk í gegnum tíðina kæmi fram, og ákvarða síðan út frá því hvað á að friða og hvað ekki.

En hvað eftir annað kemur upp sama staðan, það eru einhverjir ævintýramenn úti bæ sem sjá sér leik á borði að kaupa gömul hús, og láta þau grotna niður. Með þessu tryggja þeir sér velvild almennings, sem ekki veit að þessir sömu menn hafa átt þessi hús um lengri eða skemmri tíma, og niðurníðslan þar af leiðandi þeirra verk að hluta,

Á meðan nota þeir tækifærið, fá skipulagi breytt ,og öll tilskilin leyfi til að rífa viðkomandi hús. Hvað gerir húsafriðunarnefnd á meðan?, sefur Þyrnirósarsvefni og rýkur upp með andfælum, þegar tæki eru komin á staðinn til að rífa.

Hvernig getur þetta ferli sem á undan er gengið farið framhjá þeim?,varla er þetta gert á bak við tjöldin, það eru opinberir aðilar sem þurfa að fjalla um þessi mál áður en svona er komið, en þessi nefnd veit ekki neitt.

Ég er viss um að margir sem tóku þátt í þessari atkvæðagreiðslu,hefðu tekið annan pól í hæðina ef þeim hefði verið kunnugt um hvernig allt er í pottinn búið með þessi hús,og spurning um hvort er skárra að vera með gamalt ljótt hús, eða nýtt ljótt hús. Í flestu tilfellum þar sem ný hús hafa verið byggð innan um gömul, er útkoman frekar dapurleg.

Það virðist vera aukaatrið í þessari umræðu, að þar sem fyrirhuga er að reisa þarna hótel, hlýtur að þurfa bílastæði, varla verður gestum ætlað að koma gangandi, bílastæði taka pláss, bílastæðahús taka pláss. Hvað verður um skuggamyndun á þau hús í nágrenninu sem eru lægri?, og fleiri spurningar í svipaða átt. 

Meirihlutinn vill ný hús við Laugaveg

Athugasemdir

[Rósa Aðalsteinsdóttir, 10.1.2008 kl. 10:22]

Góðan daginn Ari. Þú byrjar daginn með stæl. Það verður að huga að mörgum atriðum en oft gleymist þegar steypuglaðir menn eru á ferð að byggja háhýsi og þau skyggja á önnur lægri hús. Það var nú svolítið broslegt með Akureyri þegar var búið að ákveða að rífa hús þar, minnir í göngugötunni og þá kom Húsafriðunarnefnd til skjalanna. Oft þegar er verið að byggja ný hús á milli þeirra gömlu þá er enginn stíll og útkoman forljót. Ari við væru flott að stjórna  Eigðu góðan dag en passaðu þig að láta ekki granda þér. Mér finnst nóg komið um svoleiðis aðgerðir á þeim bæ.