Einkavinavæðingin bítur í skottið á sér.

Það fer að verða erfitt fyrir pólitíska ráðamenn að  skipa í hinar ýmsu stöður, úr því að þeir hafna faglegri ráðgjöf, og teja sig hafa betra vit á málunum. Öllum sem ekki eru blindaðir af flokkshyggju er löngu ljóst að ráðningar í flest opinber störf eru pólitískar,og öll sem einhver vegur er í.

Það fer heldur ekki framhjá neinum, að faglega er ekki staðið að málum, það hefur vakið undrun margra til hvers þessi nefnd var skipuð , sem fjallaði um  skipun Þorsteins Davíðssonar í embætti núna nýlega. Ég geri mér grein fyrir því að hún er umsagnaraðili um hæfni og menntun þeirra sem sækja um þessar stöður.

Það sem ég furða mig á er hversu dómgreindarlausir þessir nefndarmenn eru,þeir gefa Þorsteini allt að því falleinkun í þessu dæmi, sem er útaf fyrir sig slæmt. En að leyfa sér svo þá svívirðu að efast um úrskurð setts dómsmálaráðherra, sem kemst að þeirri niðurstöðu, að einmitt hann sé hæfastur af þeim sem sóttu um.

Hvað hefur fagleg reynsla þessara manna að segja, gagnvart glöggu innsæi setts dómsmálaráðherra. ÉG BARA SPYR ?

Og eins og allir ættu að vita, lætur hann pólitísk áhrif ekki hafa áhrif á ákvarðanir sínar,þar á bæ er lagt kalt mat á allar staðreyndir, og unnið út frá þeim.

Ráðningu orkumálastjóra skotið til umboðsmanns

Athugasemdir

[Rósa Aðalsteinsdóttir, 14.1.2008 kl. 10:06]

Sæll og blessaður. Ég held að Árni hafi fengið fyrirmæli úr Seðlabankanum.  Veit ekki hvaðan Össur fékk sín fyrirmæli, kannski frá Geimverum.  Ef Gustur frá Þistilfirði hefði verið ráðherra hvern hefði hann skipað? Eigðu góðan dag og vertu grandvar.

[Ari Guðmar Hallgrímsson, 14.1.2008 kl. 11:57]

Alltaf grand 'áðí...               Kveðja