ER Svalbarði í Noregi.??? Smá viðbót...

 Harður jarðskjálfti í Noregi

Jarðskjálfti, sem mældist 6,2 stig á Richter, varð á Svalbarða í morgun. Engan sakaði og ekki er vitað til þess að tjón hafi orðið á mannvirkjum. Er þetta öflugasti skjálfti, sem mælst hefur í Noregi en upptökin voru um 140 kílómetra suðaustur af Longyearbyen, stærsta bænum á  Svalbarða.  Þar búa um 2300 manns...

Er ekki hæpið að kalla þetta í Noregi

. Svalbarði, áður Spitsbergen, er eyjaklasi í Norður-íshafi, u.þ.b. miðja vegu milli Noregs og Norðurpólsins.  Eyjarnar liggja milli 74°N og 81°N og 10°A og 35°A.  Aðaleyjarnar eru Spitsbergen, Norðausturlandið, Barentseyja, Edgeeyja, Land Karls konungs, Forland Karls prins

Jarðskjálfti á Svalbarða

Athugasemdir

[Steinn Hafliðason, 21.2.2008 kl. 10:40]

Ég spyr eins og þú, kannast ekki við að Svalbarði sé hluti af Noregi.

[Jóhanna Arnórsdóttir, 21.2.2008 kl. 11:51]

http://www.icelandonline.is/ferdaheimurisl/noregur_svalbardi.htm hérna getið þið séð um Svalbarða, hann er hluti af Noregi

[Ómar Kjartan Yasin, 21.2.2008 kl. 12:24]

Svalbarði er hluti af Noregi en það gilda samt spes reglur þar. Þannig hafa íbúar einhverra ríkja sem skrifuðu undir sáttmálan sem gerði Svalbarða hluta af Noregi árið 1925 rétt á því að starfa og búa þar. Á Svalbarða líka rússnekst þorp, Barentsburg, með um 600 íbúum.

Það gilda því mjög áhugaverðar reglur um Svalbarða. Djöfull langar mig samt að komast þangað.

[Ari Guðmar Hallgrímsson, 21.2.2008 kl. 12:43]

Álitamál um yfirráð Norðmanna á Svalbarða.!!!   Og þótt þeir þykist ráða þar, er ekki sjálfgefið að jarðskjálfti á Svalbarða, sé jarðskjálfti í Noregi.

...Longyearbyen, stærsta bænum á Svalbarða.
Svalbarða er getið í gömlum, norskum sögnum (fannst e.t.v. um 1200) og árið 1596 rambaði hollenzkur leiðangur undir forystu sæfarans Willem Barents á þær.  Enginn settist þar að fyrr en Norðmenn fóru að nýta kolanámurnar eftir 1890.  Árið 1920 voru norsk yfirráð yfir eyjunum viðurkennd.  Norðmenn telja, að samningurinn, sem var gerður um yfirráð þeirra, nái til 12 mílna landhelgi í kringum þær og þeir ráði auðlindum innan hennar.  Aðrar aðildarþjóðir þessa samnings líta ekki svo á, þannig að Norðmenn þora ekki að nýta sér auðlindir hafsins.  Fiskimiðin umhverfis eyjarnar eru ekki mjög gjöful, allrahelzt sunnan þeirra og þá helzt rækjuveiðar.  Einnig er tiltölulega stutt í fiskimiðin í Smugunni í Barentshafi.  Nokkrir heimsskautsleiðangrar hófu ferðir sínar þaðan, þ.m.t. Sir William Parry árið 1827, Friðþjófur Nansen árið 1893 og Roald Amundsen og Umberto Nobile árið 1926...

 Kveðja.

Heimildir:  Stúdentablaðið í marz 2003 o.fl.).

[Óskar Þorkelsson, 21.2.2008 kl. 14:50]

Svalbarði er ekki hluti af Noregi, en noregur hefur stjórnsýsluumdæmi þar og fer með lög og rétt þar í umboði SÞ. Rússar td viðurkenna ekki yfirráð nojara á þessum eyjum

[Rósa Aðalsteinsdóttir, 21.2.2008 kl. 15:15]

Sæll Ari. Fólkið sem semur fréttirnar þarf að læra landafræði og íslensku. Jarðskjálftinn var ekki í Noregi heldur á Svalbarða. Svo ef við skoðun kort þá finnst mér að við ættum alveg eins að hafa yfirráð þarna. Sjá neðansjávarkort, hrygginn sem leggur upp frá Íslandi. Norðmenn hafa verið með yfirgang við Íslendinga eins og þegar þeir ofveiddu síldina á sjöunda áratugnum. Sendi blómakveðjur til þín.  Gott að fattarinn þinn virkaði