Er pólitík virkilega svona.???

Var að horfa á Katljós áðan,þar sem Helgi Seljan ræddi við Sigurð Kára Kristjánsson og Lúðvík Bergvinsson um Bloggfærslu Össurar Skarphéðinssonar og ummæli hans  um Gísla  Baldur Marteinsson. Hef ekki lesið þessa færslu,hef heyrt og séð nóg af henni til að gera mér grein fyrir að sú lesning sé ekki til neins. Það hlýtur að vera krafa okkar að ráðherrar og þingmenn komi þannig fram til orðs og æðis að hvorki við né þeir þurfi að sakmmast sín fyrir. Mér persónulega finnst ummæli Össurar um Gísla Baldur ekki passa, og  óviðeigandi að þetta komi frá manni í hans stöðu, ráðherrann getur ekki leyft sér að koma fram eins og óheflaður götustrákur, með orðaleppa sem eru í besta falli heimskulegir, Gísli Baldur er ekki í neinu uppáhaldi hjá mér en ég myndi samt ekki nota svona orðfæri um hann. Ég var undrandi á Lúðvík sem mér hefur alltaf virst vera frekar sangjarn en ákveðin í tali, að hann skyldi reyna að bera í bætifláka fyrir Össur, þótt það væri greinilegt að honum var það þvert um geð. Gangast menn virkilega undir það ok þegar þeir fara ú í pólitík, að hafna því að nota eigin sannfæringu.?

Athugasemdir

[Rósa Aðalsteinsdóttir, 22.2.2008 kl. 13:08]

Sæll Ari.     Össur þarf að fara í skóla og læra kurteisi.

"Að dæma hart það er harla létt, en hitt er örðugra að dæma rétt." Jón Ólafsson skáld og ritstjóri. Afmælisdagar, 1944.

"Það er léttara að dæma aðra en að sitja til dóms yfir sjálfum sér." Friðrik Friðriksson prestur og æskulýðsleiðtogi. Sjö fösturæður, 1930.

"Fellið ekki dóma fyrr en þið þekkið málavexti." Sigmundur Guðbjartsson prófessor. Árbók Háskóla Íslands, 1988-1989.

"Það dæmir enginn tunglið eftir dimmu hliðinni." Megas tónlistarmaður. Megas, textar, 1991.

"Við vitum sáralítið um líf annarra og eigum ekki að flýta okkur að draga ályktanir og dæma." Steinunn Sigurðardóttir rithöfundur. heimsmynd, 2. tbl. 1998. Friðarkveðjur.