Er til eitthvert meðaltal sem gefur rétta mynd???

Ekkert veit ég um þennan nýja forstjóra Tryggingarstofnunar ríkisins, en kannski hefur þurft að ráða nýjan forstjóra til að koma auga  á það misrétti sem bæði aldraðir og öryrkjar búa við af hendi þessarar stofnunar ?

Meðaltöl hafa aldrei gefið rétta mynd af neinu.

 Hræddur er ég um að fyrrverandi ríkistjórnir, ásamt núverandi komi til með að fá frekar slæman vitnisburð í framtíðarsögunni vegna meðferðar sinnar á öldruðum og öryrkjum.

Einkun og sér í lagi ef menn skoða svo hvernig þeir sem þar hafa gengið um garða, hafa passað að þeir þurfi engu að kvíða í ellinni.

Það er svo mál útaf fyrir sig að  greiðslur sem þessir hópar fá og kallaðar eru örorkubætur,ellilífeyrir  eða eitthvað annað , standa ekki einu sinni undir nafninu "Hundsbætur" .

Síðan er þetta bótakerfi gert svo flókið að það er hending að hitta á mann hjá þessari stofnun sem getur orðið manni til hjálpar ef það er  eitthvað sem ekki skilst ( þar er af nógu að taka) vegna þess að hann skilur það ekki sjálfur.

Síðan á að finna nafn á þessar greiðslur sem hæfa.  Ellilífeyrisþegar og Öryrkjar eru engir ölmusumenn,þetta eru þeirra laun og á að greiða þau sem slík en ekki sem "bætur".

Maður hélt kannski að eitthvað myndi rofa til og breytast með nýjum félagsmálaráðherra sem hrópaði einu sinni. Minn tími mun koma.

Ég hélt að hann væri komin,eða hvað???

10% í elsta aldurshópi fá engar lífeyrissjóðstekjur

Athugasemdir

[Rósa Aðalsteinsdóttir, 2.3.2008 kl. 23:45]

Sæll Ari. Þið frændur eruð líkir. Jósep búinn að blogga um þessi mál. Þetta er til háborinnar skammar hvernig er komið fram við ellilífeyrisþega. Lífeyrissjóðir voru stofnaðir þegar margt af þessu fólki var komið um fimmtugt. Þetta er blettur á þessari ríku þjóð sem lætur alla vita að við séum svo rík og svo allir þessir peningar í öryggisráðið og sendiráðshallir og fleira mætti telja upp. Tím Jóhönnu ætti að vera kominn því vegna aldurs verður hún ekki mikið lengur í pólitík en hún mun hafa það gott fjárhagslega í ellinni, það er gulltrygg á meðan aðrir mega gera sér að góðu að eta það sem úti frýs. Dásamlegt veður hérna