Hverjir halda að aldraðir séu bara baggi,og af hverju halda þeir það???

Það er ekki spurning að margt fólk sem komið er yfir sjötugt hefur góða vinnugetu og margir allt að því óskerta, og flest af þessu fólki er afar reglusamt með mætingar og vinnur vel. Aftur á móti gæti verið spurning hver kom því inn hjá atvinnurekendum að fólk sem komið er á eftirlauna aldur geti ekki unnið.

Margir segja sínu fólki upp strax við 67 ára aldur,og ennþá fleiri, þegar  70 ára aldri er náð. hvað er það  sem breytist.??? Maður sem er búinn að vinna lungan úr starfsævi sinni hjá sama atvinnurekanda, mætt vel og sjaldan veikur,og við hestaheilsu, verður sjötugur í dag, fær þá afmælisgjöf að hann þurfi ekki að koma á morgun það séu ekki not fyrir hann lengur. Til hvers eru settar svona reglur ef vinnugeta og heilsa mannsins er í lagi.??? Þessi maður á litla sem enga möguleika að komast aftur í vinnu ,og oftar en ekki fer það svo með þetta fólk að það hrörnar hratt og fyr en varir er það farið að eyða löngum tímum hjá læknum, og komið með pilluveski undir hendina þar sem dagskammturinn er fleiri pillur, en viðkomandi hefur áður tekið inn á allri ævinni.

Og þar með er búið að stuðla að því að einn enn sem hefði getað lifað með reisn örlítið lengur með því að halda sinni vinnu, er gerður að" bagga" á þjóðfélaginu. Það eru örugglega fleiri aldraðir sem vilja halda áfram að vinna fyrir sínum launum, en þiggja þessi ellilaun,  sem eru eins og hverjar aðrar hundsbætur... Síðan má stinga því að fólki sem ekki þarf á þessu að halda ENNÞÁ  (hef reyndar gert það áður) að þetta eru ekki bætur. Þetta er lífeyrir sem menn eiga fullan rétt á og eru ekki að taka neitt frá öðrum.

 Það virðist alltaf gleymast að þegar verið er að tala um þessi mál og hvað þau kosti, að stór hluti af þessum greiðslum kemur aftur til baka í formi skatta og annara gjalda. Þetta finnst mér.

Góð reynsla af eldri borgurum í vinnu hjá borginni

Athugasemdir

[Rósa Aðalsteinsdóttir, 10.3.2008 kl. 17:54]

Sæll Ari minn. Hefur þú farið inná síðuna hjá Sigga sem er að blogga um sömu frétt. Hann er bloggvinur minn: Slóðin inná þessa færslu er: http://siggith.blog.is/blog/ginseng/entry/470102/#comments

Að eldri borgarar séu með börnunum er alveg frábært. Ég man bara þegar ég var barn hvað ég var hænd af afa. Ég elskaði að vera í návist hans. Hann var svo barngóður.

Þú ræðir um hvernig er komið er fram við fólk sem er orðið 67 ára - 70 ára. Þetta er oft svo ósanngjarnt að fullhraust fólk verður að hætta að vinna vegna aldurs. Margir hafa farið mjög illa og heilsan þeirra hefur versnað þar sem þau hafa ekkert að lifa fyrir eins og áður. Þetta eru svo mikil viðbrigði. Baráttukveðjur fyrir réttlæti

[Hallmundur Kristinsson, 10.3.2008 kl. 21:32]

Já, auðvitað ætti öldruðum að vera það í sjálfsvald sett hvenær þeir hætti vinnu, svo fremi þeir séu dómbærir um eigin getu.

[Óskar Arnórsson, 11.3.2008 kl. 04:19]

Það er illa farið með aldraða sem komu nú stjórnendum þessa lands til manns.

Mér finnst sjálfum að þakklæti til þeirra sem þræluðu sér út til að koma börnum sínum í skóla sé litð virt að unga fólkinu sem nú situr við völd og sinnir ekki þessu gamla fólki sem er ekki með krafta og getu til að mótmæla meðferðinn á sér...en það er svo sem bannar þeim að vinna sem eru orðnir 67 ára..