Er þetta ekki frekar aðferð til að koma af stað ólátum ???

 Rétt aðferð ??? 

Mér finnst að þessi skýring sé frekar máttlaus. Ef lögreglan er að taka einhverja útlenda taktik til fyrirmyndar sýnist mér að svona aðferð gæti snúist illilega í öndverðu sína.    Eða þeir ekki tekið rétt eftir. Ég get ekki ímyndað mér að þar sem samankomin er æstur mannfjöldi, sé það leið til að stilla hann, að senda menn af stað með gasbrúsa organdi eitthvað sem enginn skilur. Þeir gátu gert þessa menn sýnilega og notað til dæmis gjallarhorn til að koma á framfæri að þessari aðferð yrði beitt. Svona aðferð sýnist mér geta falið það í sér að lögreglan missi alla stjórn á hlutunum og geti staðið frammi fyrir meiri háttar slagsmálum með tilheyrandi slysum á fólki.

 

 

Rétt aðferð við beitingu piparúða

Athugasemdir

[Haraldur Bjarnason, 28.4.2008 kl. 07:44]

Ofbeldi er ávísun á meira ofbeldi. - Legg til að námskráin í lögguskólanum verði endurskoðuð ef þetta þar inni: GAS!!! - GAS!!!- GAS!!!

[Sveinn Ingi Lýðsson, 28.4.2008 kl. 07:44]

Gleymir einu mikilvægu Ari.  Lögreglan var búin að standa í samningaþófi við bílstjórana í tvær klukkustundir, þeir neituðu að færa þá eða afhenda lykla, létu ófriðlega með hótunum um ofbeldi auk þess sem æstur múgur safnaðist að og gerði ástandið enn verra.

Gjallarhorn var notað og fólk klárlega aðvarað að lögreglan myndi beita valdi og nota gas.  Þetta var endurtekið aftur og aftur þannig að það er alveg á kristaltæru að með aðgerðum sínum náði lögreglan stjórn á ástandinu. 

[Skarfurinn, 28.4.2008 kl. 07:55]

Þessar útskýringar lögreglumannsins halda ekki vatni, og afhverju voru þeir að úða yfir fólk sem stóð hinum megin gula varnarlínuborðans sem  löggan sjálf hengdi upp ?