Hvað er að þessu (ansk) fólki

Var að horfa  og hlusta á Menntamálaráðherran á vefsjónvarpinu, þar sem hún hælir Páli og stjórn ríkisútvarpsins upp í hástert. Það var hálf neyðarlegt að hlusta á hana, þar sem hún virist vera í vandræðum að finna nægilega sterk lýsingarorð. En þó slæddust þarna með einvalalið og afar hæfileika ríkt fólk. Hún kvaðst treysta þessu fólki algerlega .

Það er merkilegur fjandi að ráðherrar virðast treysta  best þeim mönnum, sem stór hluti landsmanna treystir ekki yfir þvert gólf, og því fleiri sem gagnrýna þá, þeim mun betur er þeim treyst. Það er blátt áfram lýjandi að geta ekki horft eða hlustað á fréttir, hvað þá litið í blað, án þess að þessir apakettir séu ekki að mæra og hæla þessu hæfileikaríka fólki. Það er illa Komið fyrir okkur Íslendingum ef þeir sem nú gegna trúnaðarstöðum hjá ríki og ríkisbönkum eru þeir hæfileikamestu sem völ er á. Það er algjör mótsögn við það sem er að gerast, að mínu viti. Ég skil ekki alveg þennan gerning kjararáðs, hef að visu aldrei skilið hlutverk þeirra. Það virðist  fyrst og fremst vera til þess að ganga fram af fólki, með heimskulegum launahækkunum sem sjaldan og aldrei eru í takt við það sem er almennt að gerast í launamálum. Ég sárvorkenndi Geir og Imbu þegar þau skýrðu þjóðinn frá því í dag með tárin í augunum, að kjararáð neitaði þeim um launalækkun. ( er það ekki einsdæmi á Íslandi ? ) Ekki hafði ég hugmynd um að kjararáð væri vinnuveitandi þeirra! Eru þau ekki ríkisstarfmenn? Er þetta nokkuð annað en pólitískt skipaðir eintrjáningar sem eru ekki í neinum takti eða tengslum við hina almennu launaþróun? Er ekki vanda lítið að víkja þessum gæðingum til hliðar, og ráða einhverja í starfið sem vit hafa á launamálum? Það er auðvelt að stofna svona batterí, og búa til allskonar sporslur handa þeim sem eru réttu meginn. En ef minnst er á að hreyfa eitthvað við þeim þá er vandinn nánast óyfirstíganlegur, þá þarf að fara að öllu með gát og setja af stað nefndir og ráð til að kanna hvað hægt sé að gera í málinu.

Athugasemdir

[Rósa Aðalsteinsdóttir, 3.12.2008 kl. 23:30]

Sæll Ari minn.

Bara orðljótur. Ætli Geir og Ingibjörg sólrún hafi ekki vitað það allan tímann að þetta var ekki hægt. Það þyrfti að fara aðra leið. Einhverra hluta vegna held ég að ef þau hafi fellt einhver tár, hafi það verið krókódílatár.

Vertu Guði falinn

Kær kveðja/Rósa