Burt með gróðapunga og niðurrifsmenn úr bænum!

Ég veit ekki hvað ég á að segja um þessa frétt,nema að strax þegar ég ég sá og heyrði um þessar bollalengingar,þá hugsaði ég með sjálfum mér að nú væri borgin að syngja sitt síðasta,það ætti að eyða því sem eftir væri af gömlum byggingum með sál og karakter,og byggja í staðinn steingeldar stein og glerhallir og að sama skapi forljótar.Því það mega flestir arkitektar nútímans eiga að þeim tekst yfirleitt einstaklega vel að skapa einhvern óskapnað sem kalla er byggingalist,en á einginlega ekkert sammerkt með venjulegum mannabústöðum,í besta falli gæti sumt  notast sem geymslur eða hesthús. En vel að merkja utan alfaraleiðar

Oftar en ekki eru þetta eins og kassar sem klístrað hefur verið saman á skiplagslausan hátt sitt á hvað,síðan er eins og hörgull hafi verið á byggingarefni,það er í bland, timbur, gler,steinsteypa,og bárujárn,það má vel vera að það sé fallegt að hafa einn vegginn úr timbri,annan úr steypu,og þriðja úr bárjujárni,þó ég komi ekki auga á það.

Maður veltir fyrir sér hvað borgaryfirvöld eru að gera,sofa þau ekki á verðinum?, og allt í einu vakna þau upp við það að einhverjir gróðapungar eru búnir að kaupa húseignir til dæmis við Laugaveginn og vilja nú fara að græða eins og ætlunin var með kaupunum,við það myndast ákveðin þrýstingur á borgina þar sem pungarnir benda henni á að ef þeir fái ekki að byggja verði hún að borga þeim svo og svo mikið í skaðabætur og annan kostnað sem þeir verði fyrir,þá byrjar vandræðagangurinn,farið er að hræra í deiliskipulagi og alskonar reglugerðir teygðar og beygðar svo svo yfirvöldin fái haldið andlitinu og pungarnir byggt.

Vonandi ber almennigur í Reykjavík gæfu til að standa saman gegn þessari óbætanlegu niðurrifsherferð sem nú stendur fyrir dyrum.

Berharðstorfan er glöggt dæmi um hvað samstaða getur áorkað,og nú er bara að spýta í lófana og hrinda þessu þessum eyðileggingaröflum fyrir björg

Rætt um niðurrif í miðborginni

Eru þetta ekki bara umhverfisverndunarmenn??

Skil ekki alveg fréttina,stálu skriðdreka sem búinn er að liggja hálfniðurgrafinn í jörð síðan í heimsstyrjöldinni,og hlutum úr öðrum.Eftir þessu að dæma virðist ekki hafa verið mikill áhugi á því að varðveita gripina,og hver er þá glæpurinn?

Er ekki bara landhreinsun ef svona skran er fjarlægt?

Stálu gömlum skriðdreka

Í þetta skiptið kom biskup ekki á óvart.

Hafi menn verið í vafa hversu föstum fótum sannanir hans standa þegar rætt er um kristina siði,tekur þessi frétt,  allan vafa  af með það að svo sé ekki,þrátt fyrir að sýnt sé fram á að þetta tákn var farið að nota mörgum öldum fyrir krist,lemur hann hausnum við steininn.Sjá hér að neðan,hvaðan honum kemur þessi þröngsýni einstrengisháttur veit ég ekki,en mér hefur alltaf fundist faðir hans frekar víðsýnn og umburðalyndur,man ekki eftir að hann hafi  staðið í allt að því illdeilum við fólk út af ágreiningi um túlkun á trúarbrögðum

 

„Ásatrúarmenn hér og víðar á Norðurlöndum hafa eignað sér þetta tákn. Í kristinni táknfræði táknar kross inni í hring gjarnan alheiminn og fjórar álfur hans og vísar til þess að Kristur er frelsari alls heimsins. Það er  þó ævagamalt í kristninni, þekkist frá fyrstu öldum kristninnar við austanvert Miðjarðarhaf og er einkar algengt í keltneskri skreytilist frá 7. öld. Það er því óhætt að fullyrða að þetta sé fornhelgað kristið tákn sem ásatrúarmenn hafa tekið sér í seinni tíð, tákn sem notað hefur verið óslitið í kirkjulist og tilbeiðslu um allan hinn kristna heim hátt í tvö þúsund ár," segir Karl.

Heiðið tákn á nýrri Biblíu

Væri ekki ráð fyrir Gísla Martein að líta aðeins í kringum sig...............

ef honum finnst þessi nýjasta og heimskulega hugmynd Landsvirkjunar gefa tilefni til að "einkavæða" hana, (lesist einkavinavæða)

Finnst honum þær einkavæðingar sem hann og flokksbræður hans haf komið á, svo björgulegar að við svo búið megi ekki standa lengur,og nú verði að einkavæða Landsvirkjun.

  Hann segir stofnun LV Power gefa tilefni til þess að horft sé með alvöru til einkavæðingar Landsvirkjunar, enda sé hlutverk hins opinbera fyrst og fremst að tryggja grunnhagsmuni þjóðarinnar.

Er ekki fullseint að byrgja brunninn þegar barnið er dottið ofan í hann,er ekki búið að róta svo í grunnhagsmunum þjóðarinnar að þar er lítla tryggingu að finna,það eina sem er tryggt í þessu einkavæðingabrölti er það, að við verðum alltaf að borga brúsann, og bera allan skaða af,  þegar ríkisstjórnin er búin að semja sig út í horn eins  og raunin er með flestar þær einkavæðingar sem hún hefur staðið fyrir.

Vill einkavæða Landsvirkjun

Lögguleikur í Mosfellsdal ?

Ellefu sérsveitarmenn,þetta hljómar eins og um meirháttar ofbeldi hafi verið að ræða,en þegar upp er staðið virðist vera,að um einhver átök   milli sambýlisfólks hafi verið að ræða,sem ekki eru þó skilgreind nánar.

Fréttin ber ekki með sér að allur þessi viðbúnaður hafi verið nauðsynlegur,hefði ekki verið nóg að senda eina tvo menn eða svo, til að skoða aðstæður og meta stöðuna,eða er þetta til marks um að það sé öllu tjaldað til,bara til að réttlæta þesa víkingasveit,hvað kostar svona útkall,varla hafa allir þessir sérsveitarmenn verið á vakt,hver tekur ákvarðanir um svona aðgerðir, og hvað liggur til grundvallar þessarar ákvörðunar.??

Ég ætla ekki að spyrja hver beri ábyrgð á svona útkalli,því það er ekki í tísku hjá því opinbera að bera ábyrgð á gerðum sínum.

En ég hefði gaman af því að vita hvað svona útkall kostar.................

Umsátur í Mosfellsdal