Hvað varð um þá gömlu?

Nýir skógareldar í Malibu

Hefði ekki farið betur á því að hafa fyrirsögnina svolítið öðruvísi,allavega hef ég aldrei séð gamlan eld.

Nýir skógareldar í Malibu

Var Vinnslustöðinni bjargað úr vargaklóm ? Hvað tekur þá við.....................

áframhaldandi óvissa um framtíð félagsins með tilheyrandi úlfúð getgátum?

Eða hreinn meirihluti heimamanna sem vill halda fyrirtækinu og  aflaheimildunum í Vestmannaeyjum?

 

Ísfélagið vill kaupa hlut Stillu í Vinnslustöðinni

Konur vinna enn flest húsverkin,kemur það einhverjum á óvart

.

Er það körlum að kenna? eru konur svo kúgaðar að þær geti ekki einu sinni valið sér starfssvið vegna ofríkis karlmanna?

Enginn teljandi munur var á hlutfallinu á Norðurlöndum og annars staðar og segir Knud Knudsen, einn vísindamannanna sem gerði rannsóknina, að þetta sé í samræmi við jafnrétti á atvinnumarkaði, þar sem jöfnuði er hvergi nærri náð. Fáar konur séu t.a.m. prófessorar og verkfræðingar á Norðurlöndum, meðan kvenþjóðin sé nær alráð innan heilbrigðisstétta.

Það eru konur bæði í verkfræðinga og prófessorsstöðum,gætu þær ekki verið fleiri þar ef þær vildu?

Ég held að svona sé þetta með öll störf ef kvenfólk hefur áhuga á þeim þá fara þær í það,það er aukast að konur stjórni allskonar stórum bifreiðum og vinnuvélum,þær eru til sjós, og raunar held ég að það séu konur í flestum starfsgreinum.

Ég held að þessi umræða um kynbundin störf sé ekki síður konum að kenna en körlum,það eru fleiri greinar eftir konur, um að þeim sé mismunað á vinnumarkaði,heldur en greinar eftir karla sem telja konur ekki gjaldgengar nema í sum störf.

Konur vinna enn flest húsverkin

Eru það mistök að gera það sem má EKKI ? Gaf út ólöglegt byggingarleyfi

Byggingarfulltrúi Reykjanesbæjar veitti Fasteignafélaginu Stoðum leyfi til að byggja nýja Húsasmiðjuverslun á Fitjum án þess að bæjarstjórn hefði samþykkt aðalskipulag sem heimilaði byggingu verslunarinnar. Þá hefur skipulagsstofnun enn ekki samþykkt deiliskipulag vegna þessara breytinga, en slíkt samþykki er hinn lagalegi grundvöllur fyrir útgáfu byggingarleyfa.

Framkvæmdir við byggingu verslunarinnar eru þó langt á veg komnar, þrátt fyrir að þær stangist á við lög.

Steinþór Jónsson, formaður umhverfis- og skipulagsráðs bæjarins, segir að um mannleg mistök hafi verið að ræða. „Byggingarfulltrúinn gefur þarna út byggingarleyfi áður en þetta kemur til samþykktar. Það eru greinileg mistök í embættismannakerfinu. Það liggur fyrir. Það er alltaf miður og það þarf að taka á því. Þetta mál er nú hjá lögfræðingi bæjarins."

Þetta eru engin mistök,byggingafulltrúinn er greinilega ekki starfi sínu vaxinn.

Gaf út ólöglegt byggingarleyfi

Hvað veldur ekki krabbameini?

Rautt kjöt er óhollt og krabbameinsvaldandi og alveg sérstaklega kjötálegg.

Það er svo komið með hinar vísindalegu rannsóknir, að það fer að verða fljótlegra að telja upp það sem ekki er krabbameinsvaldandi,og skiptir þá litlu hvort um ætt eða óætt er að ræða.

Ég geri mér fulla grein fyrir því að lifnaðarhættir manna svo og matarvenjur hafa breyst gríðarlega,sérstaklega seinni partinn á síðustu öld.

Fólk borðar meira af allskonar tilbúnum réttum sem er fljótlegt að elda,því tíminn er svo naumur í neysluþjóðfélaginu,um leið er þetta mun óhollari fæða en hefðbundinn matur,svo bætist hreyfingarleysið við og þá fer fólk að safna holdum.

Á meðan vísindamenn og aðrir sérfræðingar geta ekki verið sammála um annað, en vera ósammála, í þessum efnum sem öðrum, þá borða ég mitt rauða kjöt af bestu lyst og þrífst vel af, enda íslenska lambakjötið betra en besta eðal konfekt.

Í lokin vil ég benda á að fólk sem ekki reykir og hefur aldrei,deyr úr lungnakrabba ekki síður en reykingamenn,fólk sem borðar grænmeti og hleypur 100 km á viku eða meira deyr úr hjartasjúkdómum,og svona mætti lengi telja.

Ég held að það séu svo margir samverkandi þættir sem þarna koma við sögu að það verði seint hægt að benda á einn afgerandi sökudólg?

Bannfæra allt rautt kjöt