Öðru vísi mér áður brá.

Vilhjálmur Egilsson, framkvæmdastjóri Samtaka atvinnulífsins, segir að núverandi réttindakerfi á Íslandi framleiði öryrkja og að SA og verkalýðsforystan hafi að undanförnu rætt um möguleika á að koma á áfallatryggingum.(lesist,,binda enda á þetta með einhverjum ráðum) 

Væri ekki ágætt og jafnvel nauðsynlegt að Vilhjálmur rökstyddi þessi ummæli sín?

Að sögn Vilhjálms hafa SA og ASÍ rætt það sín á milli að fjárfesta ætti fyrir 2 milljarða króna árlega í ýmiskonar þjónustuúrræðum. Eins að stytta veikindarétt hjá fyrirtækjum niður í tvo mánuði og eftir það falli greiðsluskylda á áfallatryggingasjóð og sjúkrasjóði verkalýðsfélaga.

Ekki hélt ég að ég ætti eftir að lifa það að sjá SA og ASÍ ganga í eina sæng,sem nú virðist vera raunin.

 Hann ríður ekki við einteyming asnagangur ASÍ forystunnar,og kastar fyrst tólfunum núna með þessu hugarfóstri þeirra og SA sem þeir kalla því traustvekjandi nafni "Áfallasjóður" sem er að vísu réttnefni að því marki að þessi hugmynd er verulegt áfall fyrir verkalýðs baráttu fyrri ára.

Hvar á taka þessa 2 miljarða sem þeir ætla að fjárfesta í allskonar þjónustuúrræðum?

Hver eru þessi þjónustuúrræði og hvernig á að útfæra þau?

Er það ekki bara hagur SA að stytta veikindaréttin?

Eða  sér einhver hag launþegans í því?

Sjúkrasjóðir félagana haf komið inn þegar aðrar greiðslur eru ekki fyrir hendi,á að auka álag á þá með því að stytta veikindaréttinn?

Hvernig á að fjármagna áfallatryggingasjóð?

Er ASÍ forystan svo heillum horfin að hún sjái ekki hvert SA er að teyma hana?,þráðbeint í fenið.

Það er aumt til þess að vita að síðan hugsjónamenn hættu að ráða för verkalýðsforystunnar hefur hún verið á stöðugri niðurleið, og núverandi atvinnuverkalýðsforkólfar hafa ekki umdan að glutra niður samningum, og öðru sem gömlu bardagajaxlarnir náðu með samstöðu ,og þegar ekki var annað til ráða,þá með vinnustöðvunum.Þetta er bara örlítið brot af þeim spurningum sem vakna við lestur þessarar greinar og annara um þetta efni.

Núverandi réttindakerfi framleiðir öryrkja