Allt er þegar þrennt er...

Það eru svo margir snillingar í umferðinni sem geta allt,eða hvað??? Ég held miðað við lýsingu á aðstæðum að ekki hafi verið ekið með hliðsjón á þeim. Það er með ólíkindum hvað margir ökumenn virðast ekki gera sér grein fyrir muninum á því að aka í góðu eða vondu skyggni. Það er eins og þeir aki bara með þá hugsun að hér er ég vanur að keyra á hundrað og gera það með fyrrgreindum afleiðingum. Dæmið að vísu svolítið ýkt en þó ekki mikið... á suma er ekki hægt að ljúga...

Ekið í þrígang á bílinn

Athugasemdir

[Rósa Aðalsteinsdóttir, 16.2.2008 kl. 10:16]

Sæll Ari. Það eru margir snillingar í umferðinni. Við eigum nokkra sem eru virkilega kúl. Við skemmtum okkur vel í Kauptúni á fimmtudaginn. Ég sagði þeim frá reynslu þegar ég var að koma að heiman og var á leið til þeirra. Ég var fyrir neðan Glæsibæ og ætlaði að halda aðeins áfram og beygja svo inní stæðið hjá Kauptúni. Þá sá ég grænan Ref sem kom niður Kaupfélagshallann og hann beygði fyrir mig á 10 kílómetra hraða og ók út Hafnarbyggðina. Ég er ekki viss um að hann hafi séð mig því hann allavega leit ekki í átt til mín.  Refurinn var einn í heiminum.  Ég stoppaði auðvita því ég hafði engan áhuga að kyssa þennan Ref.   Ég sat þarna í bílnum og ég átti virkilega bágt því ég hló og ég hló.

Þessi hjón voru lánsöm eftir þrjá árekstra að þau skuli draga andann ennþá. Ég hef oft tekið eftir þessu hérna á okkar fínu heiði þegar aðstæður eru slæmar eins og í  snjóbyl, skafrenning  eða í frægu sumarþokunni, þegar við sjáum ekki á milli stika að sumir keyra eins og það sé sólríkur dagur. Ekki beint aðlaðandi að mæta svona brjálæðingum. Sæll að sinni.