Skilvinda og Skilja ekki það sama.

 Get ekki fallist á að Skilvinda og skilja í þessu tilfelli sé sami hluturinn hvað sem öllum samheitum líður. Ég held að nafnið skilvinda á þessum hlut sé svo afgerandi að ekki geti verið neinn vafi á hvað við er átt, tala nú ekki um þegar birt er mynd af gripnum...

Síðan má velta því fyrir sér um hvað þessi keppni sé farin að snúast, er þetta leikur eða dauðans alvara, er ástæða til að standa í klögumálum ef mönnum líkar ekki allskostar við spurningarnar ?

Það deilir enginn við dómarann,en hann er mannlegur og getur gert mistök, og hvað á hann að gera meira en viðurkenna þau ? Mistök í dómgæslu eiga sér stað í öllum íþróttagreinum hvort sem þær eru andlegar eða líkamlegar, og lítið hægt að gera annað en sætta sig við það.

Mér finnst gaman að horfa á þessa keppni og dáist að hvað þetta unga fólk er fljótt að hugsa, en þetta verður ekki eins spennandi ef einhverjir svona leiðinda eftirmálar verða...

 

 

 

 

 

 

MH og Kvennaskólinn senda frá sér yfirlýsingu

Athugasemdir

[Bergrún Íris Sævarsdóttir, 19.2.2008 kl. 22:50]

það eru reyndar engir leiðinda eftirmálar að hálfu liðanna. Kvennó fékk afsökunarbeiðni og voru sátt með það. Það verður ekkert gert og engin krafa hefur komið fram frá liðunum að eitthvað lengra verði farið með málið. Kæra MH er vissulega álitamál þar sem skilja og skilvinda eru ekki það sama, en Kvennó svaraði spurningunni um Jesú rétt og fengu rangt fyrir, þar leikur enginn vafi á.

[Ari Guðmar Hallgrímsson, 19.2.2008 kl. 23:29]

Ég veit að þessi lið voru sátt,og þótt ég sé betri í ýmsu en kristnum fræðum, vissi ég að Kvennaskólin var að svara rétt. Ég var nú aðallega að gera athugasemd við Skilvinduna og Skiljuna og þar erum við á sama máli, en...

Kveðja

[lipurtá, 19.2.2008 kl. 23:37]

ef þú flettir upp orðinu skilja í nýjustu útgáfu íslenskrar orðabókar þá er ein skýringin við það orð, skilvinda. Ég get því ekki betur séð en að skilja og skilvinda merki sama hlutinn. Eða hvað?

[Rósa Aðalsteinsdóttir, 19.2.2008 kl. 23:58]

Sæll Ari. Nú hefur þú notað góðan rakspíra, sennilega Cool Water því nóg er af stelpum í heimsókn hjá þér og þær hafa fundið ilminn í gegnum internetið.  Glæsileg frammistaða hjá þér.