Hvað eiga þau að eyða mörgum miljónum til að læra af mistökum.

Í utandagskrárumræðu um fjárheimildir til endurnýjunar Grímseyjarferjunnar á alþingi í dag var Birkir Jón Jónsson harðorður í ræðu sinni."Ætlar enginn að viðurkenna ábyrgð sína í þessu máli?",spurði Birkir.

Er Birkir ekki formaður fjárlaganefndar alþingis,eða var hann það?,skiptir samt ekki öllu máli hann hefði getað opnað sig fyrr ef hann er hvítþveginn af þessari hneisu.

Aftur á móti geta fjármálaráðherra og fyrrverandi samgönguráðherra ekki skafið af sér skítasletturnar í þessu máli,þótt þeir rembist eins og rjúpan við staurinn að benda á einhverja aðra. Báðir þessir ráðherrar hafa sýnt ótrúlegt dómgreindarleysi í þessu máli og reyndar fleirum og virðist sem þeim sé fyrirmunað að skammast sín,( enda ekki sterkasta hlið stjórnmálamanna) mér finnst oft á tíðum þegar ég heyri í fjármálaráðherra að það orki tvímælis hvort óhætt væri að treysta honum fyrir einföldum heimilisreikningi,hvað þá ríksisreikningunum.

Og síðan er reynt að drepa málinu á dreif,með svona frasa..Árni sagði jafnframt mikilvægt að læra af mistökum sem hafi verið gerð og horfa fram á við.

Og bergmálið lét ekki á sér standa 

Steinunn Valdís Óskarsdóttir, formaður samgöngunefndar tók svo undir orð fjármálaráðherra og hvatti til þess að lært yrði af mistökunum.

Þetta er  dýr lærdómur,  ég held að hann geti ekki leitt til annars, en þetta fólk ætti að sjá sóma sinn í því að hætta þessu vafstri í pólitík,og snúa sér að einhverju sem ekki yrði svona dýrt fyrir þjóðina.

Birkir Jón Jónsson: Ríkisstjórn og Alþingi leynd mikilvægum gögnum um Grímseyjarferjuna

Er Björn Ingi galdramaður ???

Eins og ég hef sagt hér áður hef ég ekki verið hallur undir Framsóknarflokkinn og er svo enn,það fara nú samt að renna á mig tvær grímur,og sennilega tímabært að fara að endurskoða það mál,miðað við afrek Björns Inga í borgarstjórninni.

Það eru slöpp meðmæli með borgarstjórnarmönnum Sjáfstæðisflokksins að hann einn skyldi getað vafið þeim um fingur sér,eða ég skil málflutning þeirra þannig.Einn á móti sjö er ekki lítið afrek,Hvað voru þessir sjö menn að gera EF það er satt að þeir viti ekki almennilega hvað sé um að vera.Ekki hafði hvarflað að mér að bláa höndin væri svona báeygð,að láta einn mann plata sig upp úr skónum.Að skrifa undir eitthvað sem maður hefur ekki lesið lýsir fullkomnu dómgreindarleysi,og svoleiðis menn ættu að sjá sóma sinn í því, að biðjast afsökunar á gjörðum sínum,og hætta síðan hið snarasta.

Það hlýtur að vera lágmarks krafa að fulltrúarnir séu læsir á enska tungu ef þeir skrifa undir samning á því máli,og ef þeir skilja ekki ensku (sem má efast um) þar sem þeir skilja ekki íslensku,ja þá eru þeir orðnir atvinnulausir að mínum dómi.

Þetta mál virðist allt ein flækja fyrir þeim hvort sem er á íslensku eða ensku,en endilega fráfarandi borgarfulltrúar munið að hinn almenni kjósandi er ekki fífl þótt hann hafi kosið ykkur,þvert á móti hélt hann að þau loforð sem þið gáfuð fyrir kosningar myndu standa,það yrði unnið eftir þeim en ekki einhverjum pólitískum hrossakaupum um stjórnir og stöður.

Og endilega, ekki reyna að telja okkur trú um að einn maður í borgarstjórninni hafi afrekað alla þessa vitleysu hjálparlaust.

Hefðu þið verið í vinnu hjá mér,hefði ég rekið ykkur snúningalaust fyrir slæleg vinnubrögð

Legg svo til að stórnmálamenn beri ábyrgð á gerðum sínum og athöfnum

Hagar vilja hagræða sannleikanum

Í yfirlýsingu frá Finni Árnasyni, forstjóra Haga, kemur fram að vöruþekking og nákvæmni séu ekki nægileg í könnunum ASÍ.

Væri ekki réttara að segja,Finnur Árnason heldur fram?það sem hann er að tala um er bara tittlingaskítur og hártoganir,það er verið að tala um sambærilega vöru, en ekki merkjavöru,epli eru epli hvaða merki sem er á þeim og eins er um aðra vöru sem við erum að kaupa,það væri kannski ekki úr vegi að þessir ágætu menn væru duglegri að upplýsa okkur hvaðan varan er upprunnin,það er ekki öllum sama um það.

Bónus hafi frá árinu 1989 boðið upp á lægsta matvöruverð á Íslandi og óvönduð vinnubrögð ASÍ megi ekki gefa fólki hugmyndir um að það hafi breyst.

Það gengur ekki að ASÍ, segi fólki sannleikan,matvöruverð hefur breyst í öllum verslunum Haga ,og þessi viðkvæmni er að sjálfsöðu vegna þess að þeirra verslanir eru að koma verr út úr könnunum en áður,og verður talsmaður Haga bara að bíta í það súra epli (hvaða verð sem er nú á því) og sætta sig við gagnrýnina,þótt því sé ekki mótmælt að Bónus séu með lágt vöruverð, hlýtur að vera í lagi að bera það saman við verð annarstaðar,ef ekki þá bendir það til þess að hjá Haga sé einhverstaðar  óhreint mjöl í pokahorninu.

 Verður ASÍ meinað að gera verðkannanir í verslunum Haga á meðan fyrirtækið rekur mál gegn ASÍ fyrir dómstólum vegna sannleiksgildis tilkynninga ASÍ um verðlag.

Ef þetta er það sem koma skal þá líst mér ekki á blikuna,í krafti peningavaldsins skal farið í mál við þá sem dirfast að gagnrýna,ef ekki er hægt að beygja menn með hótunum

Það gæti nú skeð að vinsældir Bónusverslana myndu dala eitthvað ef það á að fara að reka þær á ameríska vísu, á mottó framtíðarinnar hjá Bónus kannski að vera,ef þú ert ekki ánægður skaltu halda kjafti,annars förum við í mál við þig

Hagar munu meina ASÍ að gera verðkannanir

Enginn tími fyrir tölvu eða blogg þessa helgi.

Ekki haft neinn tíma til að blogga,hef verið önnum kafinn á námsskeiði hjá Slysavarnaskóla sjómanna alla helgina,fyrst bóklegu, og síðan mikið og strembið verk úti á sjó,þar sem okkur var kennd meðferð allskonar björgunartækja,ásamt meðferð gúmmíbáta,bjarga mönnum úr sjó,sækja sjúkling yfir í annan bát,og raunar tekið á öllum þeim þáttum sem gætu komið upp á.Mörgum finnst kannski að þetta sé eitthvað sem menn læri með reynslunni,og hún er allra góðra gjalda verð,en það er samt nauðsynlegt að fá þessa fræðslu,þá nýtist bara reynslan ennþá betur og sumt verður maður að læra fyrirfram, og síðan tekur reynslan við þegar maður fer að vita hvernig á gera hlutina rétt.Það er, t.d. ekki sama hvernig ofkældur maður er tekin upp úr vatni,flestir telja aðalatriðið að ná honum sem fyrst á land,en ef ekki er staðið rétt að því gæti hann dáið í höndunum á manni,svona mætti lengi telja það sem betur má fara, og maður heldur að maður viti.

Við vorum með alveg frábæra leiðbeinendur,eins og raunar allt starfsfólk skólans er,þeir gáfu okkur allan þann tíma sem við þurftum og ráku ekkert á eftir,þannig að þrátt fyrir að verklegi þátturinn væri nokkuð erfiður var þetta líka mjög ánægjuleg helgi.

Af hverju finnst mér þetta kunnugleg setning?

Hæstiréttur styttir gæsluvarðhald ...........Litháa

Hæstiréttur styttir dóm.....Héraðsdóms

Hæstiréttur styttir dóm yfir............ nauðgara

Hæstiréttur styttir???????????????

Hæstiréttur styttir gæsluvarðhald Litháa