Hver fjármagnar "gottið"??

Mikið er skrafað og skeggrætt um" Fáskrúðsfjarðarmálið" svokallaða og ætla ég ekki að efast um eða draga úr því að þetta sé góður árangur hjá löggæslunni.

EN var hún ekki einmitt bara að gera það sem hún er ráðin til?

Er þetta kannski vegna þess að fólki finnst að hún sé knnski ekki altaf að ná svo góðum árangri?

Ég er viss um að margar aðrar starfsstéttir eru að ná prýðilegum árangri í sínum störfum án þess að hlaupið sé upp til handa og fóta til að mæra það.

Ég t.d. sá ekki tilganganginn með fyrsta blamannafundinum sem haldinn var um þetta mál væri annar en sá að sýna toppana í sparifötunum,til hvers að boða blaðamannafund og verjast allra frétta?

Annars finnst mér stærsta málið óleyst hverjir leggja til fjármagnið sem þarf til þessara kaupa,ég er ekki tilbúinn að gleypa það hrátt að þessir smákrimmar sem gómaðir voru séu svo fjáðir að þeir geti staðið í þessum stórinnkaupum,það hljóta að vera mjög fjársterkir aðilar sem standa þarna á bakvið.

Svona kaup fara ekki fram öðruvísi en við staðgreiðslu,og HVER BORGAR?

E-töfluduftið dugar í 140 þúsund töflur

Var búist við öðru???

Ríkið sýknað af ....Kannast ekki einhver vð þessa fyrirsögn þegar ríkinu hefur verið stefnt,er það eitthvert lögmál að ríkið skuli yfirleitt vinna öll sín mál?

Er að svona vammlaust og réttlátt að það hafi alltaf rétt fyrir sér?

Er það kannski vegna þess að dómarar eru pólitískt skipaðir?

Er ekki hægt að efast um sjálfstæði ríkisrekinna dómstóla?

Er hægt að gera þá einhvern veginn óháða ríkisvaldinu?

Þessar og mikið fleiri spurningar vakna þega maður les svona fréttir,ég geri mér grein fyrir að við þessum spurningum eru sjáfsagt snúin svör og reikna auk þess ekki með að fá nein,þessu er bara velt upp í tilefni enn einnar sýknunar ríksins.

 

Ríkið sýknað af bótakröfu vegna fasteignakaupa

Hvernig er fljótlegast að eyðileggja græn svæði????

Hefur það alveg farið fram hjá þeim sem eru að agnúast út í hugsnlegt sambýli í Laugardalnum, fyrir geðfatlaða að það er sko miklu stærri áform um byggingar þar,þetta yrði eins og hver annar vinnuskúr hjá þeim ósköpum.

Ég sá í mogganum fyrir stuttu mynd af hugsanlegum framkvæmdum og ef þær ná fram að ganga verður varla hægt að tala mikið um grænt svæði á þeim stað,því miður man ég ekki í hvaða tölublaði þetta var,en sama samt það var greinilega ekkert sem benti til þess að það ætti að hlífa þeim gróðri sem þarna er.

Af hverju geta þessir góðapungar sem virðast vera með skipulagsyfirvöld í vasanum hvar sem þeim dettur í hug að drita niður steinsteypukössum sínum ekki séð græn svæði og gömul hús í friði?Ætli að við Íslendingar séum ekki ein fárra þjóða sem reynir markvisst að breiða yfir fortíðina með því að rífa og brjóta niður allt sem minnir á gengnar kynslóðir?

Síðan eru þetta yfirleitt hrollvekjandi ljótar byggingar sem rísa inn á milli þeirra húsa sem fyrir eru og ekki í neinu samræmi við þau,þrátt fyrir hástemdar yfirlýsingar arkitekta um að taka mið af því sem fyrir er til að halda heidarsvipnum.

Ég lítið séð af svoleiðis framkvæmdum,miklu meira af hinu þar sem viðbótin verður eins og hvert annað nátttröll og óskapnaður í umhverfinu.Ég hef t.d. aldrei getað séð þessa velheppnuðu viðbót við Landsbankann svo dæmi sé tekið, með   góðum vilja er ekki einu sinni hægt að segja að þetta sé líkt.

 

Er þetta hagræðing???

 Nú stenfnir alt í það að Mjólkureinokunarfyrirtækið MS leggi alla starfsemi af á Egilsstöðum og flytji hana suður,það er að verða svipuð slóð eftir MS um landið eins og kvótabraskarana,SVIÐIN JÖRÐ.

Allt er þetta gert með hagsmuni heildarinnar að leiðarljósi,kjaftæði,það eru bara hagsmunnir MS sem hanga á þessari spýtu.Þeir eru búnir að leggja niður hvert mjólkurbúið á fætur öðru og meðal annars eitt nýtískulegsta mjólkurbú landsins sem var í Borgarnesi,stórt bú á Hornafirði lagt niður nú eru Egilstaðir næstir og þá er ekkert mjólkurbú frá Akureyri suður til Selfoss.Eitt ruglið sem borið er á borð er að það væri svo dýrt að koma vörum frá  þessum búum á markað,er dýrara að flytja fullunna vöru á markað sem búin er að skila atvinnu á viðkomandi stöðum heldur en rúnta með hana óunna til Selfoss eða Reykjavíkur?

 Kúabændur á Austurlandi munu leita annarra leiða til að vinna mjólk á Austurlandi, ef samþykktar verða tillögur stjórnenda Mjólkursamsölunnar um að leggja niður mjólkurvinnslu á Egilsstöðum.

Það er það eina rétta í stöðunni

Íhuga að leita til Mjólku

Ekki mjög traustvekjandi!

Lenti næstum því á Akureyri í stað Ísafjarðar

Ég hélt nú þegar ég sá þessa fyrirsögn að um grín væri að ræða en svo virðist ekki vera,fréttin að vísu eins og við er að búast ekkert nema fyrirsögn,það er eins og blaðamanni finnist ekkert undarlegt við það að flugvél villist á milli landshluta allavega virðist hann ekki hafa  haft fyrir því að afla nánari upplýsinga um þessa "villimennsku".En þetta er ekkert einsdæmi í fréttaflutningi það er sjaldan sem nokkru máli er fylgt eftir þannig að lesendur viti hvar þeir standa og verða þessvegna oftar en ekki að geta í eyðurnar.Aftur á móti er ég ekki viss um að ég hafi áhuga að fljúga með svona áhöfn nema því aðeins að ég hafi nægan tíma..

Lenti næstum því á Akureyri í stað Ísafjarðar

Er ekkert að marka Sosialin ?

Færeyingar líta björtum augum til samstarfs við Ísland í heilbrigðismálum og horfa sérstaklega til þess að senda hingað sjúklinga til krabbameins- og öldrunarlækninga sem og í tæknifrjóvganir, ef marka má frétt færeyska dagblaðsins Sosialurin, hefði ekki verið kurteislegra að segja samkvæmt frétt í blaðinu eða eitthvað í þá áttina?

Færeyingar vilja hingað í aðgerðir

Það gengur ekki að tefja manninn!

 Það er að sjálfsögðu algert glapræði að stoppa svona dugnaðarforka

 

 

 

Maðurinn lauk við að afplána árs fangelsisvist í byrjun ágúst en honum tókst að strjúka úr fangelsinu í júní og framdi innbrot og önnur brot á meðan hann gekk

Maðurinn var handtekinn í síðustu viku eftir að hann braust inn í verslun við Síðumúla. Hann er einnig grunaður um innbrot á heimili í Reykjavík ásamt tveimur öðrum mönnum þar sem m.a. var stolið miklu magni af skartgripum og peningum. Þá braust hann tvívegis inn í Fella- og Hólakirkju í júní þegar hann gekk laus.

Síbrotamaður í gæsluvarðhaldi fram í nóvember

Á að loka Kolaportinu fyrir fáein bílastæði????

 Á að loka Kolaportinu? Auðvitað ekki,það á að minnka umfang skrifstofubáknsins í tollstjórahúsinu  þá lagast strax bílastæðisvandamálin,  þjónusta ætti að verða skilvirkari þegar búið verður að moka út nokkrum auka milliliðum,þannig að maður komist fyrr að efninu og þeim erindum sem þurfa að reka á þessum stað.

Það er auðvitað "skelfilegt" að hugsa til þess að á þaki hússins eru 130 bílastæði sem nýtast ekki, allavega finn Þórhalli Árnasyni  skrifstofustjóra fjármálaráðuneytisins það,einnig telur hann að væntanlegt bílastæðahús á móti tollstjórahúsinu uppfylli ekki þörf embættisins það svari bara þörfum annara í kring.Getur þetta verið vegna þess að þá þarf Þórhallur að fara yfir götuna í misjöfnum veðrum í stað þess að geta hlaupið úr bílnum og beint niður? Eða er þetta þessi dæmigerði embættismannahroki sem tröllríður ríkisbákninu?Allavega reynir hann ekki að koma með neina haldgóða skýringu á þesari þörf þeirra fyrir sér bílastæði.

 Ekki kann ég eða veit skýringu á þessari knýjandi þörf að breyta Kolaportinu í bílastæði,eru borgaryfirvöld bara ekki að kalla yfir sig ennþá meiri kröfur um aukningu bílastæða í miðbænum ef þetta verður að raunveruleika.Það er endalaust stagast á því að einkabílanotkun sé alltof mikil í borginni og almenningssamgöngur að sama skapi ekki notaðar nema af börnum og gamalmennum.Eru ekki líkur á því að minnsta kosti til lengri tíma litið að ef ekki verður bætt við bílastæðum verði menn að fara að nota strætó?Ég er ekki borgarbúi, en þegar ég kem í bæinn er þetta einn af þeim stöðum sem ég heimsæki og veit að ég er ekki einn um það,þetta er ótrúlegur staður, og oftar en ekki rekst maður á fólk þarna sem maður hefur jafnvel ekki séð í áraraðir.Það er gaman að virða fyrir sér mannlífið þarna,og síðan en ekki síst er oft hægt að gera þarna reyfarakaup.

Allt í lagi að ýta við Microsoft

Kannski hægja þeir aðeins á sér eftir þessa ádrepu og fara að temja sér að klára forritin áður en þeim er demt á markað,sem þetta fyrirtæki er frægt fyrir.

Það er óumdeilanlegt að makkinn hefur mikið betra notendaviðmót og einfaldari lausnir á ýmsu sem á þarf að halda til daglegs brúks, og er mjög ónæmur fyrir vírusum og öðru sem er landlægt í Microsoft dæminu.Mér er sagt að stór hluti grafískra hönnuða noti makkann,þar hlýtur að liggja eitthvað að baki.

Ýmislegt fleira væri eflaust hægt að tína til,en ég tel mig ekki hafa neina burði í það að fara út í tæknihliðina á þessu dóti,en get bara sagt það að ég byrjaði með makka og átti hann í mörg ár,skipti svo yfir í PC vegna þess að makkamenn voru ekki nógu fljótir að koma með allskonar jaðarbúnað,sem svo oftar en ekki var mun  dýrari en hjá PC,og þar stendur hnífurinn í kúnni fólk kaupir frekar PC en makka vegna verðsins.

Úrskurður um brot Microsoft á samkeppnislögum staðfestur

Merkileg viðkvæmni.Hvað er list???

Þýskur erkibiskup í vandræðum...........Vegna hvers? Jú vegna þess að hann sagði að sum nútímalist væri úrkynjuð,sem er auðvitað hárrétt og þarf engin að móðgast þótt svo sé tekið til orða,er meira segja vægt til orða tekið.

Hugtakið úrkynjuð list, Entartete Kunst, þýðir í hugum Þjóðverja ofsóknir gegn listamönnum, bönnuð málverk og bókabrennur. Þetta var yfirskrift sýningar, sem nasistar héldu árið 1937 í München sem einskonar viðvörun til þýsku þjóðarinnar

Er ástæða til að fjargviðrast yfir því þótt einhver noti svipað orðalag og einhverjir villimenn gerðu fyrir mannsaldri síðan og þá með allt öðrum formerkjum.

Hef stundum velt því fyrir mér hvers vegna engin af þeim sem lögreglan er að hafa afskifti af í miðborginni á síðkvöldum vegna vafasamrar hegðunar,t.d pissa upp við hús eða ganga örna sinna í næsta garði,bendi henni á að þetta sé "gjörningur" eða "innsetning".Það virðist vera endalaust hægt að bera á borð fyrir fólk einhverja bölvaða dellu og kalla það list.

Þýskur erkibiskup í vandræðum