Nú verður Kristján að svara strax og undanbragðalaust!Eða ætlar hann að nota silfurfati?

Hibernia ætlar í hart.

Veit ekki neitt um þessi fyrirtæki sem eru í þessum sæstrengjabransa,en það hlýtur að vera gróðavegur ef slegist er um, að reka þessa strengi.

Mér finnst að það eigi að tala við þessa Hibernia menn áður en farið er að færa einhverjum öðrum þetta, á silfurfatinu góða,sem virðist vera í fullri notkun þótt Framsókn sé ekki lengur í stjórn.

Hibernia ætlar í hart

Barnaþrælkun kemur hún fyrirtækjum á----------------------------

óvart?, það held ég ekki.           

 Fatnaður frá Gap innkallaður vegna barnaþrælkunar.

En flest þau fyrirtæki sem vilja halda andlitinu,þykjast koma af fjöllum,það sé ekki stefna fyrirtækisins að skipta við svona aðila,og úr því verði bætt snarlega.Um framhaldið veit maður lítið,en grun hef ég um að sæki fljótt í sama farið,það er ekki sterkasta hlið fjölmiðla að fylgjast með málum þegar þau hætta að vera frétt.

Fatnaður frá Gap innkallaður vegna barnaþrælkunar

Hraðfrysting eða hvað?

frysti snögglega nú á sjötta tímanum

Það frystir snögglega,skyndilega!

Á altaf erfitt með að skilja svona fréttir sérstaklega frá Lögreglu og Umferðaráði.Þetta er það sem búast má við sérstaklega í birtingunni,og allir ættu að vita.

 ,þegar þessi tími er kominn þarf enginn að standa gapandi af undrun yfir því að frysti,en það er eins og frostið komi allatf á óvart. 

Bílvelta á Hellisheiði, varað við mikilli hálku

Ekki venjulegt fólk á móti frumvarpi Sigurðar Kára

 

Í Mbl  í gær segir Sigurður Kári Kristjánsson,Einhnverra hluta vegna fyllast menn allt í einu einhverjum heilagleika þegar farið er að tala um áfengi og einblína eingöngu á vandamál í stað þess að líta á aðalatriði málsins.

Aðalatriði málins er auðvitað að áfengi er vandamál hvort sem Sigurði líkar betur eð verr,og ég sé ekki betur en hann eigi við slæmt áfengisvandamál að stríða, miðað við þetta ofurkapp sitt í mörg ár,. að reyna að koma áfengi í matvöruverslanir.

Sigurður Kári segir að hann verði var við andstöðu ýmissa hópa og hafi búist við því.

Hinns vegar finnum við fyrir miklum stuðningi frá venjulegu fólki .

Þeir sem ekki eru sammála Sigurði Kára eru sem sagt ekki venjulegt fólk.

Það er fullt af vejulegu fólki  í þessu þjóðfélagi sem á ekki við nein  áfengisvandamál að stríða,og ástæðulaust að láta meirihlutann gjalda fyrir það að einhverjir hafi farið út af sporinu,segir Sigurður Kári.                     

Hann hefur ekki mikið álit á "atkvæðunum" ,ef hann heldur að þeir sem eru á móti þessu séu eingöngu þeir sem hafa farið út af sporinu, eins og hann kallar það,og það er ekkert annað en hroki sem jaðrar við heimsku, að segja um þá sem hafa fengist við þessi mál í áratugi, að þeir viti ekki hvað þeir eru að segja og stjórnist af einhverjum annarlegum hvötum.

           

Dýraníð eða Dýravernd?

 Enginn hefur lýst ábyrgð á verknaðinum en róttækir dýraverndunarsinnar hafa áður beitt svipuðum aðferðum til að vekja athygli á málstað sínum.

Dýravernd, er það ekki að fara vel með dýr og reina að gera þeim tilveruna sem þolanlegasta?,ég leyfi mér að efast um að dýraverndunarsinnar hafi verið þarna að verki,ef svo er hafa þeir heldur betur skotið sjálfa sig í fótinn.

Ég lít á það semm grimmilega meðferð á dýrunum, að sleppa þeim úr búrunum,þessi kvikindi eiga sér litla lífsvon úti í náttúrunni,þau kunna engin skil á því hvað er hættulegt og hvað ekki,hafa aldrei veitt sér til matar,og fleira mætti tína til,þetta er svo sem ekki í fyrsta skipti sem svona er gert, en það breytir ekki þeirri skoðun minni, að af tvennu illu er skárra fyrir dýrin að vera í búrunum heldur en "frjáls" úti í náttúrunni.

15.000 minkum hleypt úr búrum í Þýskalandi

Segir kröfu verkkaupa eiga sinn þátt í göllum!

Gylfi Gíslason framkvæmdastjóri JÁverk ehf,viðurkennir að byggingahraðinn sé orðinn óraunhæfur,við það aukist hættan á göllum,verkaupi vilji stytta byggingatímann með öllum ráðum. 

Er þá ekki komið að verktakanum að segja stopp,hann getur ekki endalaust skýlt sér á bak við þrýsting frá verkkaupa.Vertakinn á að hafa þekkinguna (höfum reynsluna innan sviga) og getur þess vegna ráðið þessu alfarið.

En græðgin er svo mikil hjá báðu aðilum að þeir eru í rauninni að bjóða þessari hættu heim í sameiningu.Þeir standa nefnilega báðir fyrir partýinu og er frekar barnalegt að benda hver á annan þegr í óefni er komið .

Síðan stendur húseigandinn uppi með þessa galla, sem hann fær oftar en ekki lagaða nema þá fyrir eigin reikning,þar sem bæði verkkaupinn og verktakinn eru löngu farnir að starfa undir öðrum nöfnum og kennitölum.

Eins og málum er háttað í dag við húsbggingar,þá getur maður ekki einu sinni treyst því að fá óháðan aðila til að meta fyrir sig hús eða íbúð þar sem til dæmis steypuskemmdir koma oft ekki í ljós fyr en jafnvel eftir einhver ár

 

Mikil aukning hefur orðið í gallamálum á undanförnum árum

Hvað er málið,er þetta ekki grín?

Rætt um negrastráka, svertingja og tíu litlar húsmæður í Alþjóðahúsinu

Bókaútgáfan Edda hætti við gefa þessa bók út, að eigin sögn vegna þess að þeim fannst hún óviðeigandi.?

Á að fara að stunda ritskoðun á Íslandi?,varla held ég að nokkur maður kæri sig um það,ég man vel eftir þessari bók og leit á hana sem grín og geri enn.Kannski vegna þess að ég var ekki að reyna að lesa neitt annað út úr textanum en þar stendur,það er alltof mikið um það að fólk sé að koma með allt aðrar skýringar á skrifuðum texta, heldur en hann er að segja okkur.Ef höfundur hefði ætlað okkur að skilja þetta sem niðrandi háð og spé um blökkumenn,var honum í lófa lagið að setja þetta þannig fram að fólk þyrfti ekki að liggja andvaka yfir því hvað hann sé að meina. 

Það stendur ekkert um það í textanum að stákarnir deyi,þetta er eins og einfalt reiknisdæmi,og stað þess að banna þetta eða því sem næst,finnst mér að ætti að taka þetta upp í reiknibækur fyrir grunnskólabörn,því þetta er bara eifaldur frádráttur settur fram á skemmtilegan hátt,allavega kýs ég að líta þannig á þetta,frekar en einhvern rasisma.

Hvað þá skýrskotun varðar,að ef þetta hefðu verið húsmæður,þá fór ég nú að brosa allan hringinn það hefði örrugglega verið hægt að gera snjallt kvæði um það,vonadi að einhver hagyrðingurinn sjái tækifærið.

Verður þá ekki að útskýra fyrir börnum sem eru að læra að reikna,að talan sem dregin er frá deyi ekki.????????????????????

Rætt um negrastráka, svertingja og tíu litlar húsmæður í Alþjóðahúsinu

Mikill er máttur peninganna.

Grein í Fréttablaðinu í dag vakti athygli mína á því,að ef nóg fé er í boði þá er allt falt og er þá hvorki skeytt um skömmn n heiður.

Fyrirsögnin var Björgólfur Thor fái hálfan Hallargarðinn,og þar kemur embættismannamafían við sögu enn eina ferðina ( eins og ég hef bent annarstaðar á í bloggi mínu ) Embættismenn hafa samið um Björgólfur Thor Björgólfsson fái fjórfalt stærri lóð með Fríkirkjuvegi 11 en sagði í útboði.

Nú er eftir að vita hvort nýji borgarstjórnarneirihlutinn samþykkir þennan gerning.Þrír svokallaðir "sviðsstjórar" hjá Reykjavíkurborg hafa samkvæmt einhverju samkomulagi ( væntanlega við Björgólf) unnið að þeim gerningi að í stað 900 fermetra lóðar eins og ákveðin var í fyrravetur þegar húsið var boðið út,fái hann 3,567 fermetra lóð umhverfis húsið.

Björgólfur bauð 600 miljónir fyrir húsið en sendi einnig inn frávikstilboð, sem hljóðaði upp á 800 miljónir, en þá var það skilyrði frá hans hálfu að fá mikið stærri lóð.

Borgarráð beit á agnið og ætlar að fórna hálfum Hallargarðinum til handa Björgólfi, hann fær að gera eitthvað sem kallast viðhafnaraðkoma að húsinu (til hvers?),sparkvöllur ofan við húsið verður bílastæði fyr hann og fylgifiska.

Til að klóra aðeins yfir skítinn sinn setti Borgarráð kvaðir um óheftan aðgang almenning um garðinn,en þó með þeim fyrirvara að fólki kynni að vera bægt frá  af öryggisástæðum.

Þar með er búið að girða fyrir ferðir almennings,því hætt er við að öryggissjónarmiðið verði í hávegum haft,ef að líkum lætur.Þessir nýríku karlar eru ekki fyrr búnir að komast yfir einhven skika en alt er orðiðið þakið í skiltum. Óviðkomandi bannaður aðgangur.Einkalóð aðgangur Bannaður og svona mætti lengi telja.

Fær embættismanna mafían að ráða??

 Vilja stækka Hraunið í stað Hólmsheiðar

Fangaverðir telja að 20 fangapláss séu næglegt fyrir höfuðborgarsvæðið,40 plássum ætti hinsvegar að bæta við á Litla-Hrauni,þeir benda enfremur á að Fangelsismálastofnun eigi góð byggingarsvæði kringum Litla-Hraun og innan öryggisgirðingar sem ætti að lækka byggingarkostnað og gera þetta að hagkvæmari lausn umfram aðra staði.

Þá benda þeir jafnframt á að starfsaldur sé hár á Litla-Hrauni og flestir fangavarðanna búi á næstu grösum,og í því sé mikið öryggi í neyðartilfellum

.Fangelsismálayfirvöld(Les embættismanna mafían) segir á hinn bóginn nauðsynlegt að hafa fangelsi á höfuðborgarsvæðinu til þess að vista gæsluvarðhaldsfanga nær vinnustað rannsóknarlögreglunnar og dómsstóla. Í nýju fangelsi sé ennfremur gert ráð fyrir sérstakri afeitrunar- og sjúkradeild sem þarfnist sérstaks umhverfis.

Miðað við þann tíma sem yfirleitt virðist taka Lögregluna að rannsaka mál,mætti halda að gæsluvarðhaldfangar væru vistaðir á Hornströndum,þannig að þessi rök halda ekki vatni.

Þetta er bara dæmigert ef ríkið á að framkvæma eitthvað að þá skal það gert í eða nágrenni Reykjavíkur,því "embættismennirnir"ráða yfirleitt fyrir rest,þó t.d. eins og í þessu máli hljóti dómsmálaráðherra að koma sterkt inni í málið.

Kannski verður þessi fangelsisbygging upphaf að nýju og spennandi Grímseyjarferjumáli 

Eitthvað kostar lóð á Hólmsheiði!!

Vilja stækka Hraunið í stað Hólmsheiðar

Ef ekki sjálftaka hvað þá?

Björgvin berst gegn sjálftöku.

Þetta er bara réttlætismál sem við þurfum að breyta," segir Björgvin Guðni Sigurðsson viðskiptaráðherra um sjálftöku fjármálastofnana.

Ég er alveg sammála viðskiptaráðherra,en hræddur er ég um að það verði við "ramman reip að draga" það er ekki laust sem fjandinn heldur,og bankarnir eru búnir að stunda þessa FIT rukkun sína svo lengi að þeir líta orðið á þetta sem einn af tekjustofnum sínum.Nú er ég ekki að mæla því bót að menn fari yfir á reikningi símum,en að bankinn hafi vald til þess að sekta menn fyrir held ég að sé fráleitt.Ef ég gerist brotlegur í meðferð fjár hlýtur það að vera lögreglumál.

Er það ekki nokkuð gróf refsing ef einhver fer nokkrar krónur yfir á reikningi,að þurfa að greiða lágmark 700-krónur eða meira,.

Eru bankarnir ekki búnir að græða nóg á okkur með verðtryggingunni,þetta hlýtur að vara eina landið í heiminum þar sem bankar þurfa aldrei að taka neina áhættu.

Björgvin berst gegn sjálftöku